راگەیاندنی زانکۆی راپەڕین

رۆژی سێشەممە (٢٨/١١/٢٠١٧) کاتژمێر (١٠)ی سەرلەبەیانی بەبۆنەی ھەفتەی بەرەنگاربوونەوەی توندوتیژی دژی ژنان لەزانکۆی راپەڕین لەکەمپەسی قەڵادزێ لەلایەن رێکخراوی (ئەشا) بۆ فەلسەفەی زەردەشتی و پەرەپێدانی توانای گەنجان – سێکتەری ژنان، و بەھاوکاری بەڕێوەبەرایەتی وەرش و ھونەری زانکۆی راپەڕین چەند چالاکیەک رێکخران.

ئەمڕۆ سێ شەممە ٢٨ی نوڤمبری ٢٠١٧، ڕاگرایەتی کۆلێژی پەروەردەی بنەڕەت لە زانکۆی راپەرین چەند چالاکییەکی هونەری و ڕۆشنبیری ئەنجامدا.

سەرەتای چالاکییەکان بە کردنەوەی پێشنگایەکی فۆتۆگرافی بۆ فۆتۆکانی فۆتۆگرافەر ( امیر حسن) دەستیپێکرد.
لە پێشنگاکەدا بەڕێز د.موفق خالید ابراهیم سەرۆکی ڕاپەڕین و د.هێرش رسول مراد یاریدەدەری سەرکی زانکۆ و د.ئاراس عبدالرحمن ڕاگری کۆلێژی پەروەردەی بنەڕەت ئامادەبوون، پێشانگاکە لەلایەن سەرۆکی زانکۆ کرایەوە، تیایدا چەندین وێنەی ناوازەی فۆتۆگرافەر ( امیر حسن) نمایشکرابوون.

ئەمڕۆ دووشەممە ٢٨ی نوڤمبری ٢٠١٧، بەڕێوەبەرایەتی سێنتەری پەرەپێدان و زمان لە زانکۆی ڕاپەڕین یەکەم تاقیکردنەوەی توانستی زمانی ئینگلیزی بۆ خوێندکارانی قۆناغی یەکەم لە بەشی ئەندازیاری شارستانی و سەرجەم بەشەکانی کۆلێژی زانست ئەنجامدا، لە تاقیکردنەوەکەدا (١٧٥) خوێندکاری قۆناغی یەکەم لە چوار بەشی زانکۆی ڕاپەڕین بەشداربوون.

لە هەمان کاتدا و هەر ئەمڕۆ لە کۆلێژی پەروەردەی قەڵادزێ تاقیکردنەوەی توانستی زمانی ئینگلیزی بۆ خوێندکارانی قۆناغی یەکەم بەڕێوەچوو، ئەم تاقیکردنەوەیە لە ڕۆژانی داھاتوودا لە سەجەم کۆلێژ و بەشەکانی زانکۆ ئەنجامدەدەرێت.