ڕۆژانی سێ شەممە و چوارشەممە، بەشی ئەندازیاری شارستانی سەر بە سەرکایەتی زانکۆی راپەڕین، چەند چالاکیەکی جۆراوجۆریان بۆ ئاراستەکردن (ڕێنمایی)کردنی خوێندکارانی قۆناغی یەکەم ڕێکخست .

لە ڕۆژی یەکەمی چالاکیەکەدا خوێندکارانی قۆناغی یەکەمی بەشی ئەندازیاری شارستانی بە تەواوی کۆلێژو بەشەکانی زانکۆی ڕاپەڕین ئاشناکران، دواتر سەردانی بینای سەرۆکایەتی زانکۆیان کرد و لەلایەن بەڕێوەبەری بەڕێوەبەرایەتییەکان و ستافی کارگێڕی زانکۆوە شێوازی ئیش کردن و ئامانجی کارکردنی بەڕێوەبەرایەتییەکانیان بۆ ڕوونکرایەوە.

ئەمڕۆ سێ شەممە ٢٠١٧/١١/٢١، لە هۆڵی چالاکییەکانی زانکۆ سیمینارێكی تەندروستی بۆ راھێنەری بواری نەخۆشییە گوازراوەکان (تحسین عوسمان) لەژێر ناونیشانی ( نەخۆشییە گوازراوە جنسییەکان) بەڕێوەچوو.
لەسیمینارەکەدا تحسین عوسمان باسی لە بڵاوترین جۆری ئەو ڤایرۆسانە کرد کە مرۆڤەکان لە ڕێگەیانەوە توشی نەخۆشییە گوازراوە جنسیەکان دەبن، پاشان گرنگترین نیشانەکانی توشبوون و چۆنیەتی خۆ پاراستتن لەو جۆرە ڤایرۆسانەی بۆ ئامادەبووان ڕوونکردەوە .

ئەمڕۆ سێ شەممە ٢٠١٧/١١/٢١، کۆمەڵێک خوێندکاری خۆبەخش لە بەشی ئەندازیاری شارستانی سەر بە سەرکایەتی زانکۆی راپەڕین، چالاکییەکیان بۆ ناساندنی سەرجەم بەڕێوەبەرایەتی و کۆلێژ و بەشەکانی زانکۆ بە خوێندکارانی قۆناغی یەکەم سازکرد.
لە سەرەتادا خوێندکارانی قۆناغی یەکەم بە تەواوی کۆلێژو بەشەکانی زانکۆی ڕاپەڕین ئاشناکران، دواتر سەردانی بینای سەرۆکایەتی زانکۆیان کرد و لەلایەن بەڕێوەبەری بەڕێوەبەرایەتییەکان و ستافی کارگێڕی زانکۆوە  شێوازی ئیش کردن و ئامانجی کارکردنی بەڕێوەبەرایەتییەکانیان بۆ ڕوونکرایەوە .