ڕۆژی دووشه‌مه ٢٧ی نوڤمبری ٢٠١٧، كۆمپانیای (كۆكاكۆلا) بانگهێشتی ستافی‌ سه‌نته‌ری كاری گشت زانکۆکانی كوردستان كرد به‌مه‌به‌ستی دروستكردنی هەماهەنگی لەگەڵیاندا.

کۆمپانیای كۆكاكۆلا له‌سالی ٢٠١٨ ژماره‌یه‌ك له‌خوێندكارانی زانكۆی راپه‌ڕین وه‌رده‌گرێت بۆ ( خوولی راهێنان)، ‌ته‌واوی تێچووی به‌شداریكردنی خولەکە ده‌كه‌وێته ‌ئه‌ستۆی كۆمپانیای ناوبراو.

له‌هه‌مان كاتدا ده‌رگای کۆمپانیاکە به‌ڕووی زانكۆی راپه‌ڕیندا كراوه ‌ده‌بێت به‌مه‌به‌ستی سه‌ردانی كردنی خوێندكاران بۆ كۆمپانیا و بینینی تاقیگه‌و پڕۆسه‌ی به‌رهه‌مهێنان، هەروەک ‌په‌ره‌پێدانی توانیای خوێندكاران به‌رنامه‌ی كاریان ده‌بێت بە هەماهەنگی له‌گه‌ل سه‌نته‌ری كار لە زانكۆی راپه‌ڕین و به‌مزوانه‌ کۆمپانیاکە یه‌كه‌م چالاكی خۆیان له ‌زانكۆی راپه‌رین ئه‌نجامده‌دەن.

ڕۆژی دووشەممە ٢٧ نوڤمبری ٢٠١٧، وەزارەتی خوێندنی باڵا و توێژینەوەی زانستی ئەنجامی کۆتایی ناوی پاڵێوراوانی بۆ خوێندنی ئێواران لە کۆلێژی پەروەردەی بنەڕەت/زانکۆی ڕاپەڕین لە بەشەکانی (ئینگلیزی، کوردی، عەرەبی ، بیرکاری ، کۆمەڵایەتی ) بۆ ساڵی خوێندنی ٢٠١٧-٢٠١٨ ڕاگەیاند .

بەپێی ئەنجامەکان بۆ ساڵی خوێندنی (٢٠١٧-٢٠١٨) ناوی (٢٢٧) پاڵێوراو بۆ خوێندنی ئێواران لە سەرجەم بەشەکانی کۆلێژەکە هاتووەتەوە.

بۆ بینینی ناوەکان لێرە کلیک بکە

 سەرەنج:

١- پێویستە سەرجەم پاڵێوراوان لە ماوەی (١٠) ڕۆژدا مامەڵەی وەرگرتن تەواو بکەن .

٢- بۆ مامەڵەی وەرگرتن پێویستە سەردانی تۆماری کۆلێژی پەروەردەی بنەرەت/ ئێواران بکەن، ڕۆژانە لە کاتژمێر (٥-٨)ی ئێوارە جگە لە ڕۆژانی پێنج شەممە و هەینی .

٣- لە ڕۆژی شەممە ڕێکەوتی ٢٠١٧/١٢/٢ مامەڵەی وەرگرتنی پاڵێوراوان دەستپێدەکات.

رۆژی سێشەممە (٢٠١٧/١١/٢٨) بەڕێز پرۆفیسۆری یاریدەدەر د. موفق خالد سەرۆکی زانکۆی راپەڕین بەیاوەری ھەریەک لەبەڕێزان پرۆفیسۆر د. سباح رشید یاریدەدەری سەرۆکی زانکۆ بۆ کاروباری زانستی و خوێندنی باڵاو پرۆفیسۆری یاریدەدەر د. ھێرش رسوڵ یاریدەدەری سەرۆکی زانکۆ بۆ کاروباری خوێندکاران و بەئامادەبوونی پرۆفیسۆری یاریدەدەر د. پێشەوا حەمید راگری کۆلێژی زانستە مرۆڤایەتییەکان سەردانی خوێندکارانی قۆناغی یەکەم بەشی فەلسەفەیان کردو بەخێرھاتنیان کردن و ھیوای سەرکەوتنیان لەقۆناغەکانی خوێندن بۆ خواستن.