پاشنیوەڕی یەکشەممە (٣ / ١٢ / ٢٠١٧) بۆ یەکەمینجا لەچوارچێوەی پڕۆژەی نمایشکردنی فیلمی سینەمای کە بەڕێوەبەرایەتی راگەیاندن لەزانکۆی راپەڕین بەڕێوەی دەبات یەکەمین فیلم بۆ خوێندکاران نمایشکرا.
سەرەتا مامۆستا ئاراز رەمەزان بەڕێوەبەری راگەیاندنی زانکۆی راپەڕین وتەیەکی کورتی دەربارەی گرنگی پڕۆژەکە بۆ خوێندکاران و ستافی زانکۆ خستەڕوو.

پێشنیوەڕۆی ئەمڕۆ یەکشەممە ٢٠١٧/١٢/٣، لە سەرۆکایەتی زانکۆی راپەڕین پێشوازی لەوەفدێکی بەڕێوەبەرایەتی گشتی تەندروستی راپەڕین کرا، لەکۆبوونەوەیەکدا کردنەوەی بەشە پزیشکیەکان لە زانکۆی راپەڕین تاوتوێکرا.

لەکۆبوونەوەکەدا، بەڕێز پڕۆفیسۆری یاریدەدەر د. موفق خالد ابراهیم سەرۆکی زانکۆی راپەڕین و، د.ھێرش رسوڵ مراد یاریدەدەری سەرۆکی زانکۆ بۆ کاروباری خوێندکاران و ژمارەیەک لە ئەندامانی ئەنجومەنی زانکۆی راپەڕین ئامادەیی بوون، سەرەتا پێشوازیکرا لەوەفدی بەڕێوەبەرایەتی گشتی تەندروستی راپەڕین بەسەرۆکایەتی بەڕێز د. ھیوا محمود علی بەڕێوەبەری گشتی تەندروستی راپەڕین و وەفدێکی ھاوڕێی.

راگەیاندنی زانکۆی راپەڕین
پێشنیوەڕۆی رۆژی چوارشەممە (٢٨/١١/٢٠١٧) لەھەفتەی بەرەنگاربوونەوەی توندوتیژی دژی ژنان لەزانکۆی راپەڕین لەکەمپەسی رانیە لەلایەن رێکخراوی (ئەشا) بۆ فەلسەفەی زەردەشتی و پەرەپێدانی توانای گەنجان، و بەھاوکاری بەڕێوەبەرایەتی وەرش و ھونەری زانکۆی راپەڕین چەند چالاکیەک رێکخران.