ڕۆژی دووشەممە ٢٠١٧/١١/٢١، بە بریاری سەرۆکایەتی زانکۆی ڕاپەڕین و بە مەبەستی صیانەکردن و فراوانکردنی پەخشی ڕادیۆی دەنگی زانکۆ، پەخشی ڕادیۆکە بۆ ماوەیەکی کاتی ڕادەگیرێت.

مامۆستا ئاراز رمضان بەڕێوەبەری بەڕێوەبەرایەتی ڕاگەیاندنی زانکۆی ڕاپەڕین بە ماڵپەڕی زانکۆی ڕاگەیاند: مەبەستی صیانەکردن و فراوانکردنی پەخشی ڕادیۆی دەنگی زانکۆ و بە بڕیاری سەرۆکایەتی زانکۆ بڕیاری ڕاگرتنی پەخشی ڕادیۆی دەنگی زانکۆی ڕاپەڕین بۆ ماوەیەکی کاتی درا، وتیشی لە مڕۆ سێ شەممە ڕێکەوتی ٢٠١٧/١١/٢٢، بڕیارەکە کەوتووەتە بواری جێ بەجێکردنەوە و پەخشی ڕادیۆکەمان ڕاگیرا، برایارە دوای صیانەکردن و فراوانکردنی پەخشەکەی و بە ناوەرۆک و بەرنامەی جیاوازتر لەسەر هەمان فریکوەنسی (104.1) دەست بە پەخشی ئاسایی خۆی بکاتەوە.

ئێوارەی ڕۆژی ٢٠١٧/١١/٢٠، کۆلێژی پەروەردەی بنەڕەت لە زانکۆی راپەڕین، چالاکییەکی ھونەری و ئەدەبی بۆ خوێندکارانی کۆلێژەکە رێکخست و تیایدا چەندین پارچە شیعر و گۆرانی پێشکەشکران.
لەچالاکیەکەدا ھەریەک لە ھاوار تەیب و فەرھاد ئەحمە دو عومەر حاجی بەخوێندنەوەی چەند پارچە شیعرێک بەشداربوون، دواتر پەنا خوێندکاری بەشی کوردی کۆلێژەکە بەدەنگە خۆشەکەی و بەچڕینی چەند گۆرانییەک بەشداریکرد.

شایانی باسە، کۆلێژی پەروەردەی بنەڕەت لە بەرنامەیدایە لەماوەی داھاتوودا چەندین چالاکی ھونەری و ئەدەبی و رۆشنبیریی و زانستی بۆ خوێندکاران و مامۆستایان رێکبخات.

ڕۆژی شه‌ممه‌ ڕێکەوتی ١٨\١١، سه‌نته‌ری گه‌شه‌پێدانی كار( به‌كارخستن) سیمینارێكی له‌ژێر ناونیشانی كاری خۆبه‌خشی بۆ (٣٥) خوێندكار ئه‌نجامدا. ئەم گرووپە لە خوێندکاران لەلایەن سەنتەری کارەوە وەرگیراون بۆ  ئەنجامدانی چالاکی و كاری خۆبه‌خشی له‌زانكۆی راپه‌رین.

كاری خۆبه‌خشی واتا گه‌یاندنی سود به‌به‌رامبه‌ر به‌بێ هیچ سود و دەستکەوتێکی خودی. خوێندكاره‌ خۆبه‌خشه‌كان بۆ سالی خوێندنی ٢٠١٨-٢٠١٩ وه‌ك خۆبه‌خش له‌لایه‌ن سه‌نته‌ری كاره‌وه‌راده‌سپێردرێن بۆ ئه‌نجامدانی كارو چالاكی و هاوبه‌شی پێكردنی تواناكانیا له‌گه‌ل هاوپۆل و خوێندكارانی تر له‌ به‌شه‌ جیاجایاكانی زانكۆ.