ئنستیتیوتی کەلەپووری کورد بەھاوکاری زانکۆی راپەڕین فێستیڤاڵ و سیمیناری کەلتوری رێکخست.

ئەمڕۆ سێشەممە ٢٠١٧/١٢/١٢، لە هۆڵی چالاکییەکانی زانکۆ، ئنستیتیوتی کەلەپووری کورد بەھاوکاری زانکۆی راپەڕین فێستیڤاڵ و سیمیناری کەلتوری رێکخست.

فێستیڤاڵەکە لەکاتژمێر (١٠)ی سەرلەبەیانی دەستپێکرد، کە تیایدا پێشانگایەک بۆ کتێب و بەرھەمەکانی (دەنگ و رەنگ) کرایەوە، ھەروەھا چەندین بەرهەمی کلیپ و گۆرانی و میوزیکی رەسەنی کوردی لە پێشانگاکەدا نمایشکران.

دەستپێکی فێستیڤاڵەکە بە ساتێک وەستانی وەفاداری بۆ گیانی شەهیدان لەگەل سروودی نیشتمانی ئەی رەقیب دەستیپێکرد.

دواتر د.موفق خالید ابراهیم سەرۆکی زانکۆی ڕاپەڕین وتەیەکی پێشکەشکرد، تیایدا بەخێرهاتنی گەرمی مامۆستای مەزن مەزهەری خالقی و میوانانی ئنستیتیوت و سەرجەم ئامادەبووانی کرد و دەستخۆشی لە ڕێکخەرانی فێستیڤاڵەکە کرد، وتیشی ئاشکرایە هەر نەتەوەیەک ناسنامە کلتورییەکەیەتی کە پێی لە گەلانی تر جیا دەکرێتەوە، سەرەڕای ئەوەی لە هەندێ بنەما و هێڵی گشتیدا هاوبەشن یاخود لەیەکەوە نزیکن بەڵام ئەم نزیکییە ناکاتە ئەوەی کە جیاوازییەکان بسڕدرێنەوە، هەر گەلێکیش خاوەنی کلتووری تایبەتی خۆیەتی کە حەقی خۆیەتی پارێزگاری لێبکات و گەشەی پێبدات و پیشانی جیهانی بدات، لە وتەکەیدا د.موفق خالید ئاماژەی بۆ ئەوە کرد کارکردن لە بواری کەلەپوور و کۆکردنەوەی بۆ گەلی کورد جیاواز لە هەر گەلێکی دیکەی قورسترە ئەویش بەهۆی ئەو شەڕ و داگیرکاریەی کە بە درێژایی مێژوو ڕووبەڕووی کورد بووەتەوە، وتیشی هیوادارم بەم چالاکییەمان بتوانین خزمەتێک بە بواری کەلەپووری کوردی بکەین.

پاشان مامۆستا خەلیل عبداللە بەڕێوەبەری گشتی دیوانی وەزارەتی ڕۆشنبیری لاوان وتەیەکی پێشکەشکرد، تیایدا بە ناوی وەزارەتی ڕۆشنبیری و لاوانەوە سوپاسی هەریەک لە ئنستیتیوتی کەلەپووری کورد و سەرۆکایەتی زانکۆی راپەڕینی کرد بۆ سازدانی فێستیڤاڵە کەلەپووریەکە، وتیشی پرسی کەلتوور پرسێکی گرنگە و بە پایەیەکی شارستانی و ناسنامەی گەلان دادەنرێت و هەروەک پێداویستییەکی ژیاری و جیهانییە بۆ پەروەردەکردنی تاک، وتیشی ئێمە وەک وەزارەتی ڕۆشبیری و لاوان ناتوانین بە تەنیا گەشە بە بواری کەلەپووری کوردی بدەین بۆ ئەوەش پێویستمان بە دامەزراوە کەلتووری و زانستی و ڕۆشبیرییەکان و ڕێکخراوەکانە، لە کۆتایی وتەکەیدا دەستخۆشی لە ستافی ڕێکخەرانی فێستیڤالەکە کرد.

دواتر کۆڕێک دەربارەی (کەلتوری کورد لەکۆڕێکی شارەزایاندا) بۆ ھەریەک لە بەڕێزان (مەزھەری خالقی، د.محمد دلێر ، م. مستەفای سەید مینە) بەڕێوەدەچوو.

ھەر لەفێستیڤاڵەکەدا پێشانگایەکی فۆتۆگرافی دەربارەی (جوانی کەلتور لە ژیانی کوردەواریدا) و (مێژووی رۆژھەڵاتی کوردستان لە ١٨٧٥)دا کرایەوە، دواتر فیلمێکی بەڵگەنامەیی نمایشکرا.

دوای گەڕانەوەی ناوی پاڵێوراوان لە وەزارەتی خوێندنی باڵا و توێژینەوەی زانستی، ئەمڕۆ دووشەممە ١١/١٢/٢٠١٧ تۆماری کۆلێژی زانستەمرۆڤایەتیەکان لە زانکۆی ڕاپەڕین ئەنجامی کۆتایی ناوی پاڵێوراوانی بۆ خوێندنی ئێواران لە بەشی یاسا بۆ ساڵی خوێندنی ٢٠١٧-٢٠١٨ ڕاگەیاند.
بەپێی ئەنجامەکان بۆ ئەمساڵی خوێندنی ناوی (٢٣) پاڵێوراو بۆ خوێندنی ئێواران لە بەشی یاسا هاتووەتەوە.
تۆماری کۆلێژی زانستەمرۆڤایەتیەکان ئاگاداری ئەو خوێندکارانە دەکاتەوە کە لە لیستی هاوپێچ ناویان هاتوە، ڕوژی سێ شەممە ڕێکەوتی ( 12/12/20١٧) کاتژمێر (4ی دوای نیوەرۆ) سەردانی تۆماری کۆلێژ و بەشی یاسا بکەن بە مەبەستی پەیوەندیکردن و ئەنجامدانی مامەڵەی وەرگرتن.
تێبینی/ تا ئێستا تەنها ناوی ئەو بەڕێزانە هاتۆوەتەوە کە هاوپێچکراوە، سەرجەم خوازیارەکانی دیکە کە داواکارییان پێشکەشکردبو بۆ خوێندن/ئێواران لە بەشەکانی (کارگیری، مێژوو، جوگرافیا) و بەشێک لە خوازیارانی بەشی (یاسا) تا ئێستا ناویان نەگەراوەتەوە وەزارەت، تکایە سەردانمان نەکەن، تا ناوەکانیان دەگەڕێتەوە، لەکاتی هاتنەوەی ناوەکانیان ئاگادارییان دەکەینەوە.

سەرنج/ پێویستە لە ماوەی یەک هەفتەدا مامەڵەی وەرگرتن ئەنجام بدەن بەپێچەوانەوە فەرمانی وەگرتنیان هەڵدەوەشێتەوە.

بەشی یاسا لە کۆلێژی زانستە مرۆڤایەتییەکانی زانکۆی ڕاپەڕین بۆ پسپۆڕانی یاسایی ناوخۆیی و بیانی دەربارەی مافە دەستورییەکانی هەرێمی کوردستان لە دەستوری ساڵی (٢٠٠٥) عێراقدا سازکرد .

ئەمڕۆ چوار شەممە ٢٠١٧/١٢/٦، لە هۆڵی چالاکییەکانی زانکۆی ڕاپەڕین بەشی یاسا لە کۆلێژی زانستە مرۆڤایەتییەکان، بە بەشداری ژمارەیەک پسپۆڕی بواری یاسایی ناوخۆیی و بیانی و بە ئامادەبوونی د.پێشەوا عبدالحمید ڕاگری کۆلێژی زانستە مرۆڤایەتییەکان و مامۆستان و ژمارەیەک لە پارێزەرانی ڕانیە و خوێندکاران و کەسانی ماف پەروەر لە سنورەکە ، وێرکشۆپێکی دەربارەی مافە دەستورییەکانی هەرێمی کوردستان لە دەستوری ساڵی (٢٠٠٥) سازکرد.