ئەمڕۆچوارشەممە ٢٠١٧/١٢/١٣ لە مەراسیمێکی شایستەدا و بە ئامادەبوونی د.محمد حمەعلی رشید راگری کۆلێژی زانست و مامۆستایان و خوێندکارانی قۆناغی یەکەم ، مەراسیمێک بۆ بەخێرهاتنی خوێندکارانی قۆناغی یەکەمی سەجەم بەشەکانی کۆلێژی زانست لە زانکۆی ڕاپەڕین بەڕێوەچوو.

دوو توێژینەوەی مامۆستایەکی زانکۆی راپەڕین لە بواری زانستی کۆمپیوتەر لەگۆڤاری (Journal "Science, Engineering & Education", University of Chemical Technology and Metallurgy, Sofia, Bulgaria.) کە گۆڤارێکی نێودەوڵەتییە لە وڵاتی بولگاریا بڵاودەکرێنەوە.

مامۆستا کمال سمایل محمد البرزنجی، خوێندکاری دکتۆرا لەزانکۆی(University of Chemical Technology and Metallurgy) لەوڵاتی بولگاریا و مامۆستای زانکۆی ڕاپەڕین پێیڕاگەیاندین کە لە چەند رۆژی ڕابردوودا دوو توێژینەوەی زانستی دەربارەی بابەتەکانی (Review of big data and big data mining for adding big value to enterprises) و (A framework for cloud based hybrid recommender system for big data mining) لەگۆڤارێکی نێودەوڵەتی بڵاوکردونەتەوە.

ئەمڕۆ سێ شەممە ۲٠۱۷/۱۲/۱۲، بەشی زمانی ئینگلیزی لە کۆلێژی پەروەردە/قەڵادزێ وێرکشۆپێکی بە ناونیشانی (Challenges Faced in Teaching Sunrise Curriculum) سازکرد.

وێرکشۆپەکە بە هاوبەشی مامۆستایان و خوێندکارانی بەشی زمانی ئینگلیزی زانکۆی ڕاپەڕین بەڕێوەچوو، تیایدا چەند پانێڵێکی زانستی دەربارەی کێشەکانی بابەتی وتنەوەی پرۆگرامی خوێندنی زمانی ئینگلیزی لە قوتابخانە و خوێندنگاکاندا پێشکەشکران و بەشداربووانی پانێڵەکان بە سەرنج و تێبینییەکانیان بابەتەکانیان دەوڵەمەند کرد.