سەنتەری پەرەپێدان و زمانی زانکۆی ڕاپەڕین پێویستی بە (٤) کارمەند هەیە بۆ بەشی (Language lounge) بەم تایبەتمەندیانەی خوارەوە :

١- زمانی ئینگلیزی بە باشی بزانێت بە تایبەتی قسەکردن و نووسین.
٢- لە بواری بازاڕسازیدا شارەزایی هەبێت.
٣- شارەزایی هەبێت لە بەکارهێنانی کۆمپیوتەر و ئینتەرنێت.
٤- شارەزایی هەبێت لە بەڕێوەبردن.
٥- پێویستە خوازیار هەڵگری بڕوانامەی باکالۆرییۆس یان دبلۆم بێت.
٦- ڕەگەزی مێ بێت.

بانگەوازی ژمارە (٩ / ٢٠١٧ – ٢٠١٨ )

جۆر / زیادكردنی ئاشكرا (جاری دووەم)

بۆ بەكرێدانی زەوی زانكۆ بە مەبەستی چاندن لە كەمپەسی قەڵادزێ‌

  سەرۆكایەتی زانكۆی ڕاپەڕین/بەڕێوەبەرایەتی كاروباری یاسایی/هۆبەی گرێبەستە گشتیەكان ئاگاداری گشت ئارەزومەندێك دەكاتەوە كە زانكۆمان هەڵدەستێت بە بەكرێدانی زەوی زانكۆ بە مەبەستی بەكارهێنانی بۆ چاندن لەرێگەی زیادكردنی ئاشكرا پاڵپشت بە یاسای فرۆشتن و بەكرێدانی موڵك و ماڵی دەوڵەت ژمارە (32) ی ساڵی (1986) هەمواركراو، هەر كەسێك ئارەزوی بەشداریكردنی هەیە دەتوانێت سەردانی سەرۆكایەتی زانكۆ/بەرێوەبەرایەتی دارایی/هۆبەی خەرجیەكان بكات بە مەبەستی وەرگرتنی وێنەیەك لە مەرج و رێنماییەكان بەرامبەر (10.000) دە هەزار دیناری عێراقی كە ناگەرێتەوە بۆ خاوەنەكەی و كرێی بڵاوكردنەوەی دەكەوێتە ئەستۆی براوەی كێبركێ‌.

بانگەوازی ژمارە (٨ / ٢٠١٧ – ٢٠١٨ )

جۆر / كەمگیری كراوە (نهێنی) بۆ جاری دووەم

پڕۆژەی بەكرێدانی (یەك كافتریای بەشەناوخۆیەكانی كەمپۆسی قەڵادزی)

سەرۆكایەتی زانكۆی ڕاپەڕین/ بەڕێوەبەرایەتی كاروباری یاسایی/ هۆبەی گرێبەستە گشتیەكان بۆ جاری دووەم ئاگاداری كۆمپانیا و بەڵێندەری (ناوخۆ، بیانی) دەكاتەوە كە خاوەن مۆڵەتی كاركردنن لەم بوارە كە تەندەری ناوبراوی سەرەوە هەیە بۆ جێبەجێكردن، هەر لایەنێك ئارەزووی بەشداریكردنی هەیە دەتوانێت سەردانی سەرۆكایەتی زانكۆمان/ بەرێوەبەرایەتی كاروباری یاسایی لەنهۆمی زەمینی بكات بە مەبەستی وەرگرتنی زانیاری لەسەر كاری ناوبراو، وە بۆكڕینی سەردانی بەڕێوەبەرایەتی دارایی/ هۆبەی خەرجیەكان لە نهۆمی دووەم بكات بەمەبەستی وەرگرتنی وێنەیەك لە تەندەر ومەرج وڕێنماییەكان بەرامبەر بڕی (35,000) سی و پێنج هەزار دیناری عێراقی بۆ هەر تەندەرێك كە  ناگەڕێتەوە بۆ خاوەنەكەی وكرێی بڵاوكردنەوەی  ئاگادارییەكان دەكەوێتە ئەستۆی براوەی تەندەر.