ڕاگەیاندنی وەزارەتی خوێندنی باڵا

وەزارەتی خوێندنی باڵا و توێژینەوەی زانستی، دامەزراندن و دەستبەکاربونی بۆردی توێژینەوەی زانستی ڕادەگەیەنێت، وەک گرانتی یەکەمیش بڕی (١٠٠) ملیۆن دینار بۆ بۆردەکە تەرخان دەکات.

عەباس ئەکرەم وتەبێژی وەزارەتی خوێندنی باڵا و توێژینەوەی زانستی ڕایگەیاند: لەپێناو داڕشتنی چوارچێوەی سیاسەت و ستراتیژی گشتی توێژینەوەی زانستی و، هاندان و گەشەپێدان و کاراکردنی چالاکی توێژینەوە لە بوار و پسپۆڕی جیا و، لەبەر ڕۆشنایی پێداویستیە زانستی و تەکنەلۆژی، ئابوری، سیاسی و کۆمەڵایەتیەکانی هەرێمی کوردستان، وەزارەتی خوێندنی باڵا دامەزراندن و دەستبەکاربونی بۆردی توێژینەوەی زانستی ڕادەگەیەنێت، ئاشکراشیکرد ئەم بۆردە کار بۆ ئاراستەکردن و پشتیوانیکردنی چالاکی توێژینەوەی زانستی لە ڕێگەی دەستەبەرکردنی گرانتی ساڵانە دەکات و، هەوڵی دۆزینەوەی پارتنەری نێودەوڵەتی بۆ پڕۆژەکانی توێژینەوە و بەخشیننی بەو پڕۆپۆزەڵانەی کە ئاستی زانستیان بەرزەو لە ئەولەویەتی بەرژەوەندی نیشتیمانی هەرێمی کوردستان دەکات.

له‌ درێژه‌ی كار و چالاكییه‌كانی تۆڕی پاراستنی مافه‌كانی مرۆڤ له‌ ده‌ڤه‌ری ڕاپه‌ڕین له‌ بواری به‌ره‌نگاربوونه‌وه‌ی ( مادده‌ هۆشبه‌ره‌كان ) دا، ئه‌مڕۆ شه‌ممه‌ ٦ی ئایاری ٢٠١٧، كاژێر (١١) ی پێش نیوەڕۆ ، سیمنارێكیان بۆ خوێندکارانی زانکۆ سازکرد، سیمناره‌كه‌ سێ تەوەری لەخۆگرتبوو، کە  له‌لایه‌ن ئه‌ندامانی تۆڕی پاراستنی مافه‌كانی مرۆڤ (لوقمان حاجی قادر) به‌ریوه‌به‌ری نووسینگه‌ی مافی مرۆڤی ڕاپه‌ڕین، ( عبدلله قادر فقی ئیبراهیم) مامۆستای زانكۆ به‌شی یاسا، ( هه‌رێم حسن) مامۆستا زانكۆ لە به‌شی میژوو پێشكه‌شكران، دواتر خوێندکاران سه‌رنج و تێبینی خۆیان له‌سه‌ر بابه‌ته‌كه‌ خسته‌ڕوو ، چالاكییه‌كه‌ش به‌ وەڵامدانه‌وه‌ی پرسیاری ئاماده‌بووان كۆتایی هات.

راگەیاندنی زانكۆ

ئەمڕۆ شەممە ٢٠١٦/٥/٦، بە ئامادەبوونی سەرۆکی زانکۆ بەشی باخچەی ساوایان لەکۆلێژی پەروەردەی بنەڕەت لە زانکۆی راپەڕین، بە خستنەڕووی بەرهەمی كاردەستی خوێندكاران و ئەنجامدانی (٣) سیمینارو چەند چالاكییەک، سێیەمین فێستیڤاڵی بەشی باخچەی ساوایان بەڕێوەچوو.

فێستیڤاڵەكە بەئامادەبوونی (د. موفق خالید) سەرۆكی زانكۆ و (د. احمد محمود) راگری كۆلێژی پەروەردەی بنەڕەت و ژمارەیەك لە ئەندامانی ئەنجومەنی زانكۆ و مامۆستایان و فەرمانبەران و خوێندكارانی زانكۆ، بە نمایشکردنی بەرهەمی كاردەستی خوێندكاران دەستی بەكارەكانی كرد.