ئەمڕۆ چوارشەممە ٣ی ئایاری ٢٠١٧، بە چاودێری و ئامادەبوونی (د. موفق خالد) سەرۆکی زانکۆ و ئەندامانی ئەنجوومەنی زانکۆو ژمارەیەک لە مامۆستایان و خوێندکارانی زانکۆ، ، بەشی جوگرافیا وێرکشۆپێکی بە ناونیشانی (ڕۆڵیی بنەما ژینگەییەکان لە پەرەپێدانی کەرتی گەشتوگوزار لە ئیدارەی ڕاپەڕین) لە هۆڵی چالاکیەکانی زانکۆ سازکرد.

لەچوارچێوەی چالاکییەکانی بەڕێوەبەرایەتی چالاکی وەرزشی لە زانکۆی ڕاپەڕین، خولێکی تۆپی پێی فوتساڵی بۆ فەرمانبەرانی گشت کۆلێژ و بەڕێوەبەرایەتییەکانی زانکۆ کردەوە، دوای ئەنجامدانی چەندین یاری لەنێوان تیپە بەشداربووەکانی خولەکە، ڕۆژی سێ شەممە ۲۰۱۷/٥/۲، بەئامادەبوونی (د. موفق خالد) سەرۆکی زانکۆ و (د. هێرش رسول) یاریدەدەری سەرۆکی زانکۆ، یاری کۆتایی خولەکە لە نێوان هەردوو تیپی فەرمانبەرانی کۆلێژی زانستەمرۆڤایەتییەکان و سەرۆکایەتی زانکۆ بەڕێوەچوو.

ئەمڕۆ سێ شەممە ٢ی ئایار، بە ئامادەبوونی بەڕێز (د. موفق خالید) سەرۆکی زانکۆ و، (د. محمد حمەعلی ڕشید) ڕاگری کۆلێژی زانست و ئەندامانی ئەنجومەنی زانکۆ و مامۆستایان و خوێندکارانی زانکۆ، لە بینای کۆلێژی زانست خوێندکارانی بەشی فیزیا فێستیڤاڵی ساڵانەی بەشەکەیان بە نمایشکردنی چەند کار و پڕۆژەیەکی پراکتیکی ئەنجامدا.