پەیامی پیرۆزبایی

سەرۆكایەتی زانكۆی راپەڕین، بەبۆنەی‌ هاتنی سەری‌ ساڵی‌ نوێی ‌(٢٠١٩)ەوە، گەرمترین پیرۆزبایی ئاراستەی سەرجەم خوێندكاران و مامۆستایان و فەرمانبەران و تەواوی خەڵكی‌ هەرێمی كوردستان و كوردانی باكورو خۆرهەڵات و خۆرئاوای كوردستان دەكات، هیوادارین ساڵی نوێ ببێتە ساڵی سەركەوتنی خوێندكارانمان و كۆتایی هاتنی قەیرانەكان لەهەرێمی كوردستان و باشتركردنی ژیان و گوزەرانی سەرجەم فەرمانبەرانی هەرێمی كوردستان، و دەروازەیەكی نوێ بێت بۆ قوڵكردنەوەی گیانی لێبوردەیی‌ و پێكەوەژیانی ئاشتیانەو تەبایی زیاتری ناو پێكهاتەكانی كوردستان بێ، و ساڵی‌ بەرەوپێشچوونی‌ پرۆسەی‌ خوێندن و زانكۆمان بێ.

راگەیاندنی زانكۆ
ئەمڕۆ دوو شەممە (٢٤-١٢–٢٠١٨) لەكۆلێژی پەروەردە لەقەڵادزێ لەلایەن سەنتەری گەشەپێدان بۆ كار کۆسیمینارێک بە ناونیشانى (ئامادەکردنى خوێندکارانى زانکۆ بۆ بازارى کار) بەڕێوەچوو.
سیمینارەكان لەلایەن مامۆستایان (عبداللە عزیز) و (سەرهەد هەمزە) پێشكەشكران و لەسیمینارەكاندا رێگاو تەكنیكەكانی خۆئامادەكردنی خوێندكارانیان بۆ بازاڕی كار روونكردەوەو چەندین زانیاری پەیوەست بەبازاڕی كارو دۆزینەوەی كاریان بۆ خوێندكاران روونكردەوە.

راگەیاندنی زانكۆ

ئەمڕۆ دوو شەممە (٢٤-١٢–٢٠١٨) كاتژمێر (١٠)ی سەرلەبەیانی بەئامادەبوونی بەڕێز دكتۆر (هیوا مینە محمود) راگری كۆلێژی پەروەردە سیمپۆزیۆمی سۆشیال میدیاو كاریگەری لەسەر سایكۆلۆژیای خوێندكار لەلایەن بەڕێوەبەرایەتی چالاكی وەرزش و رۆشنبیری بەهاوبەشی بەشی دەرونزانی لەهۆڵی قازی محمد بەڕێوەچوو.