ئەمڕۆ یەكشەممە (۲٠/۱/۲٠۱۹) بەئامادەبونی ئەندامانی ئە نجومەنی زانکۆی راپەڕین، سە رۆکی زانکۆ بڕوانامەی رێزلێنانی بەخشیە چەند توێژەرێکی سە رکەوتوو.
توێژەرەكان پێكهاتبوون لە: مامۆستای یاریدەدەر (سالار علی شریف) لەبە شی بایۆلۆجی كۆلێژی زانست، لەپای بڵاوکردنەوەی تویژینەوەیەک کە بەرزترین فاکتەری کاریگەری هەبوە كە ( ۳،۷۲) بووە لەناو تویژینەوەکانی بڵاوکراوە لەساڵی خوێندنی (۲٠۱۷_۲٠۱۸)دا. هەروەك مامۆستای یاریدەدەر (کمال احمد خدر) لەبەشی سامانی ئاژەڵ لەپای بڵاوکردنەوەی زۆرترین توێژینەوە كە (٤) توێژینەوە بووە کە (DOI )یان هەبووە لەساڵی خوێندنی (۲٠۱۷_۲٠۱۸)دا. هەروەها (د.کمال سمایل محمد) بەڕێوەبەری دڵنیایی جۆری لەپای دانانی کتێبێک لەساڵی (۲٠۱۸)دا کە( ISBN)ی هە یە.

ئەمڕۆ چوار شەممە ١٦ی کانوونی دووەمی ٢٠١٩، بەڕێوەبەرایەتی ڕاگەیاندنی زانکۆ و نوێنەرایەتی گشتی خوێندکاران لە زانکۆی ڕاپەڕین، سیمینارێکی زانستییان دەربارەی گوگڵ کڵاس ڕووم بۆ (م.پشکۆ ڕەسول) ڕێکخست.
لە سیمینارەکەدا م.پشکۆ بەوردی پرۆگرامەکەی بە ئامادەبووان ناساند، پاشان چۆنیەتی بەکارهێنانی پڕۆگرامەکەی بۆ مامۆستایان و خوێندکاران ڕوونکردەوە، هەروەک ئاماژەی بە میکانیزمەکانی چۆنیەتی دانانی وانە و توێژینەوەکان لە کڵاس ڕوومەکاندا، لە کۆتاییدا چۆنیەتی وەرگرتنی وانەکانیان لە کڵاس ڕوومەکاندا بۆ خوێندکاران خستەڕوو .

ڕۆژی سێ شەممە ١٥-١-٢٠١٩، له‌ هۆڵی (پێشه‌واو قازی محمد) لە کۆلێژی پەروەردەی قەڵادزێ ، لیژنەی ڕۆشنبیری کۆلێژی پەروەردە، سمینارێکی بۆ بەڕێز (م.ئاراس محمد اسماعیل) به‌ناونیشانی (ناساندنی پەیکەر و هەرەمی زانستی و کارگێڕی دامەزراوەی زانکۆ) سازکرد .
لە سیمینارەکەدا کە بۆ خوێندکارانی قۆناغی یه‌که‌می کۆلێژی پەروەردەی سازکرابوو، تیایدا مامۆستا ئاراز بە وردی تیشكی خستەسەر هەرەمی زانستی زانکۆ ، هەروەها پەیکەری کارگێڕی یەکەکانی زانکۆی وەک دامەزراوەیەکی خوێندنی باڵا بۆ خوێندکارانی قۆناغی یه‌که‌م ڕوونکردەوە.
فۆتۆ: دەرباز محمود