وەزارەتى خوێندنى باڵا و توێژینەوەى زانستى ڕێنماییەکانى خوێندنى باڵا/ ماستەر و دکتۆرا بۆ ساڵى خوێندنى (٢٠١٩-٢٠٢٠) بەڕەچاوکردنى کواڵێتى خوێندن و، ڕەخساندنى دەرفەتى یەکسان بۆ خوازیاران دەرکرد.

دواى ئەوەى لە کۆبونەوەى ژمارە (٥)ى ئەنجومەنى وەزارەتەکەمان، کە لە ڕێکەوتى (١-١٠-٢٠١٩) و (٦-١٠-٢٠١٩) بەڕێوەچوو و تێیدا ڕێنماییەکانى خوێندنى باڵا/ ماستەر و دکتۆراى بۆ ساڵى خوێندنى (٢٠١٩-٢٠٢٠) لە زانکۆکانى هەرێمى کوردستان پەسەند کرد، ئەمڕۆ یەکشەمە ڕێکەوتى (٢٧-١٠-٢٠١٩) د. ئارام محمد قادر وەزیرى خوێندنى باڵا و توێژینەوەى زانستى دەقى ڕێنماییەکانى ئیمزا کرد.

مامۆستا بێستون احمد، سەرۆكی بەشی جوگرافیا لەكۆلێژی زانستە مرۆڤایەتییەكان، رۆژی (24 – 10 -2019) لەكۆلێژی ئەدەبیاتی زانكۆی سەڵاحەددین گفتوگۆی تێزی دكتۆراكەی ئەنجامدراو بڕوانامەی دكتۆرای پێبەخشرا.

دوای ڕاگەیاندنی ئەنجامی سکاڵای (زانکۆلاین) لەلایەن وەزارەتی خوێندنی باڵا و توێژینەوەی زانستی، دەرکەوت (٣٦ ) خوێندکاری دیکە ناویان لە کۆلێژ و بەشەکانی زانکۆی ڕاپەڕین بۆ ساڵی خوێندنی (٢٠١٩-٢٠٢٠) گەڕاوەتەوە.