ئەمڕۆ پێنج شەممە ٢٧ی نیسان، لەھۆڵی چالاکییەکانی کۆلێژی زانست، گفتوگۆی ماستەرنامەی خوێندکاری خوێندنی باڵا (هۆشیار ابراهیم مینە) بە ناونیشانی (شیکردنەوەیەکی جوگرافی بۆ دابەشبوون و بەکارهێنانی ئاوی ژێر زەوی لە ئاوزێڵی ڕووباری سەرکەپکان) ئەنجامدرا.
بەناوی سەرۆکایەتی زانکۆی راپەڕین پیرۆزبایی لە (هۆشیار ابراهیم مینە) دەکەین بۆ بەدەستهێنانی بڕوانامەی ماستەر لەبواری جوگرافیا، هیوای بەردەوامی بۆ دەخوازین.
لیژنەی گفتوگۆ :

دوای ئەوەی ڕێکەوتی (٢٠١٧/٤/٢٤) بەچاودێری و ئامادەبوونی "د. یوسف گۆران" وەزیری خوێندنی باڵا و توێژینەوەی زانستی و، "محمود حاجی ساڵح" وەزیری کاروباری شەهیدان و ئەنفالکراوەکان و، "د. موفق خالد" سەرۆکی زانکۆی ڕاپەڕین و، ژمارەیەکی زۆر لە توێژەران و مامۆستایان و خوێندکاران، لە کۆلێژی پەروەردە لە زانکۆی ڕاپەڕین سێیەمین کونفڕانسی زانستی نێودەوڵەتی بە ناونیشانی "کاریگەری زمان و ئەدەب لەسەر بونیادی هزری و درێژەپێدانی زانستی" دەستپیێکرد. 

دەستپێکردنی کارەکانی ئەم کۆنفرانسە هاوکات بوو لەگەڵ (٤۳)هەمین ساڵوەگەڕی کارەساتی بۆردومانی شار قەڵادزێ و ڕۆژی شەهیدی زانکۆ، لەماوەی سێ ڕۆژی کۆنفڕانسەکەدا لە حەوت پانێڵدا زیاتر لە (۱۱۰) توێژینەوەی زانستی لە بوارەکانی زمان و ئەدەبی کوردی و عەرەبی و ئینگلیزی لەلایەن توێژەرانی ناوخۆیی و نێودەوڵەتییەوە پێشکەشکران.

راگەیاندنی زانکۆ

دوو مامۆستای زانکۆی راپەڕین بە دوو توێژینەوەی زانستی بەشداریان لەیەکەمین کۆنفڕانسی زانستی نێودەوڵەتی زانکۆی دھۆک کرد، کە لەژێر ناونیشانی (کوردستان پشتی داعش: پرسیارا ناسنامە و سنۆران) لەماوەی رۆژانی ۲۳ - ۲٤ /٤ / ٢٠١٧، بەڕێوەچوو.