ئەمڕۆ سێ شەممە ۲۰۱۷/۱۰/۱۷، سەرنتەری توێژینەوە لە زانکۆی ڕاپەڕین بەهاوکاری ڕێکخراوی کەی ساین بۆ توێژینەوەی زانستی وێرکشۆپێکی بەناونیشانی (لە بیرۆکەوە بۆ بڵاوکردنەوە) سازکرد.

وێرکشۆپەکە بە ئامادەبوونی بەڕێز د.موفق خالد ابراهیم سەرۆکی زانکۆ و د.هێرش رسول مراد یاریدەدەری سەرۆکی زانکۆ بۆ کاروباری خوێندکاران و ژمارەیەک لە مامۆستایان و خوێندکاران لە هۆڵی چالاکییەکانی زانکۆ بەڕێوەچوو.

ڕۆژی دووشەممە ١٦ / ١٠ / ٢٠١٧ ، بە ئامادەبونی سەرۆکی زانکۆ و یاریدەدەری سەرۆکی زانکۆ بۆ کاروباری خوێندکاران و بەشێک لە مامۆستایان و فەرمانبەران هۆڵی چالاکیەکانی زانکۆ لە دوای نۆژەنکردنەوەی بەشێوەیەکی جوان و مۆدیرن کرایەوە.

لە مەراسیمەکەدا بەڕێوەبەرایەتی ڕاگەیاندن وەک سەرپەرشتیاری هۆڵی چالاکیەکان سوپاسی سەرجەم ئەو کەسانەی کرد کە باشدارییان کردووە لە نۆژەنکردنەوەو کردنەوەی هۆلەکەدا.

دواتر پ.ی.د.موفق خالد ئیبراهیم سەرۆکی زانکۆی ڕاپەڕین لە ووتەیەکدا سوپاس و پێزانینی سەرۆکایەتی زانکۆی ڕاپەڕینی ئاراستەی سەرجەم ئەو کەسانە کرد کە بەشێوەیەکی ماددی مەعنەوی بەشدارییان کردووە لە نۆژەنکردنەوەی هۆلەکەدا بەتایبەت کەسایەتی دیاری شاری ڕانیە بەڕێز (حاجی سێناجیانی ) کە ئەرکی کڕینی سەرجەم کورسیەکانی هۆلەکەی لە ئەستۆگرت.

پرۆگرامی چیڤنینگ یەکێکە لەو پرۆگرامە نێودەوڵەتیانەی حکومەتی بەریتانیا کە لە لایەن ئۆفیسی دەرەوە و سەرچاوەسروشتیەکان (FCO) بە هاوبەشی هەندێ رێکخراو پاڵپشتی دارایی دەکرێت.
سکۆلارشیپی چیڤنینگ هەلێکی باشە بۆ فێرخوازان تا لە یەکێک لە زانکۆکانی بەریتانیا درێژە بە خوێندن بدەن و ماستەر بخوێنن لەماوەی تەنها یەک ساڵدا، لە هەر بابەتێک وە لە هەر زانکۆیەکی بەریتانیا. ئەم سکۆلارشیپە سەرەرای پشتگیریە داراییەکەی دەرفەتێکیش باشیش دەرەخسێنێت تا ببیتە بەشێک لەو نێتوێرکە جیهانیەی کە پرۆگرامەکە دروستی کردووە.