دوای ئەوەی زانکۆی ڕاپەڕین بۆ ساڵی خوێندنی ٢٠١٧-٢٠١٨، لە (١٦) بەش و پسپۆڕی جیاواز وەرگرتنی خوێندکاران بە سیستەمی ڕاستەوخۆ ڕاگەیاند، لە سیستمەکەدا دوو پێوەری ڕێژەیی دیاریکراوە بۆ وەگرتنی خوێندکار لەو بەشەی خوێندکار داواکاری پێشکەش دەکات، لە پێوەری یەکەمدا ڕێژەی (٧٠%)ی کۆنمرەی پۆلی دوانزەی ئامادەیی بۆ خوێندکار هەژمار دەکرێت و لە پێوەری دووەمدا ئەنجامدانی تاقیکردنەوەیە کە ڕێژەی (٣٠%)ی کۆنمرەی لەسەر دەبێت.

ئەمڕۆ چوار شەممە ٢٠١٧/٩/٢٧، سه‌رۆكایه‌تی زانكۆی راپه‌ڕین ئه‌نجامی تاقیكردنه‌وه‌ی ٣٠%ی وه‌رگرتنی (راسته‌وخۆی زانكۆیی) لە سەرجەم بەشە ڕاستەوخۆکان راگه‌یاند.

ڕاگەیاندنی وەزارەتی خوێندنی باڵا

له‌ چوارچێوه‌ی هه‌وڵه‌ به‌رده‌وامه‌كانی د.یوسف گۆران وه‌زیری خوێندنی باڵا و توێژینه‌وه‌ی زانستی و به‌ له‌رچاوگرتنی بەرژەوەندی گشتی و پێویستی زانکۆ و پەیمانگاکانی هەرێمی کوردستان به‌ڕاژه‌كه‌یان، لەسەر پێشنیازی وەزارتی خوێندنی باڵا و توێژینەوەی زانستی ئەنجوومەنی وەزیران ڕه‌زامه‌ندی له‌سه‌ردامەزراندنی (١١٩٧)کەس لە دەرچووانی یەکەم و دووەم و سێیەمی زانکۆكان نیشاندا، له‌ به‌رامبه‌ردا ده‌رچوان سوپاسی وه‌زیری خوێندنی باڵا و توێژینه‌وه‌ی زانستی ده‌كه‌ن.

بۆ ئه‌و مه‌به‌سته‌ش  به‌پێی نوسراوی ژماره‌ (٤١٤٦) كه‌ له‌ ڕێكه‌وتی (٢٠١٧/٩/٢٠) به‌ئیمزای (نێچرڤان بارزانی ) سەرۆکی حکومەتی هەرێمی کوردستانی ده‌رچووه‌ و، وێنه‌یه‌كی ئاڕاستەی وەزارەتی خوێندنی باڵا و توێژینەوەی زانستی کراوە، ئه‌نجومه‌نی وه‌زیران بڕیاردراوە بەدامەزراندنی دەرچووانی (یەکەم و دوەم و سێیەم) لەسەرئاستی زانکۆ و پەیمانگا حکومییەکانی هەرێمی کوردستان له‌ ساڵی خوێندنی (٢٠١٤-٢٠١٥)،‌ کە ژمارەیان (١١٩٧) دەرچووه‌.

لەهاوینی ئەمساڵدا مامۆستایەكی زانكۆی راپەڕین كە خوێندكاری دكتۆرایە لەوڵاتی هەنگاریا بەشداری خولێكی هاوینەی تایبەت بە سامانە سروشتییەكان دەكات لەوڵاتی هۆڵەندا.
پەیمان رەمەزان كە بەشداربووی خولەكە بووە بەماڵپەڕی زانكۆی راپەڕینی راگەیاند كە بەشداربوون لەخولەكەدل بەشێوەی زەمالە بووەو وەكو كاندیدێك توانیویەتی لەناو ۱۱۰خوێندكاری دكتۆرا كە كار دەكەن لەسەر سامانە سرووشتیەكان لەسەر ئاستی دنیا تەنها ژمارەیەكی كەم لەم خوێندكارانە كە ٢٦ خوێندكار هەلبژێردراون بۆ بەشداری كردنیان.