ئەمرۆ سێ شەممە رێکەوتی ٢٩ی کانوونی دووەم ٢٠١٩، لیژنەی بەنێودەوڵەتیکردنی زانکۆ لە سەرۆکایەتی زانکۆی ڕاپەڕین سیمینارێکی دەربارەی سیستەمی بۆلۆنیا پرۆسێس (ECTS) بۆ مامۆستایانی کۆلێژی پەرستای و زانستە مرۆڤایەتییەکان سازکرد.

ئێوارەی ئەمڕۆ دوو شەممە (28 – 1 – 2019) سیمپۆزیۆمێكی زانستی لەژێر ناونیشانی كاریگەریی میتۆدو تەكنۆلۆژیای نوێ لەئەنجامدانی توێژینەوەی زانستە كۆمەڵایەتییەكاندا لەلایەن بەشی زانستیی كۆمەڵایەتی لەزانكۆی راپەڕین رێكخرا.

سەرەتا لەلایەن بەڕێز پڕۆفیسۆری یاریدەدەر دكتۆر ( رزگار حاجی صاڵح) راگری كۆلێژی پەروەردەی بنەڕەت وتاری راگرایەتی كۆلێژەكە پێشكەشكراو تێیدا باسی لەگرنگی رێكخستنی سیمپۆزیۆمەكە كرد. دواتر لەلایەن بەڕێز مامۆستا ( بێستون احمد حسین) سەرۆكی بەشی زانستی كۆمەڵایەتی ئێواران وتاری سەرۆكایەتی بەشی كۆمەڵایەتی پێشكەشی ئامادەبووان كردو تێیدا چەندین رەهەندی گرنگی رێكخستنی سیمپۆزیۆمەكەی خستەڕوو.

ئەمڕۆ یەکشەمە (٢٧-١-١٠١٩) لەهۆڵی چالاکیەکانی زانکۆی ڕاپەڕین بەئامادەبوونی ڕاگری کۆلیژی پەروەردەی بنەڕەت و بەشێکی زۆر لەمامۆستایانی كۆلێژی پەروەردەی بنەڕەت و سەرپەرشتیارانی پەروەردەیی لەپەروەردەی ڕانیەو پەروەردەی پشدەر سیمپۆزیۆمی چۆنێتی ئەنجامدانی ڕاهێنان لەژینگەی خوێندنگاکان ئەنجامدرا.