ئەمڕۆ سێشەممە (12-2-2019) لەهۆڵی چالاكییەكانی زانكۆ لەدرێژەی خولی پەرەپێدانی توانستەكانی توێژینەوە بۆ مامۆستایانی زانكۆی راپەڕین، سیمینارێك لەلایەن بەڕێز ( د. بەهزاد حمد) لەژێر ناونیشانی (Ethical Issues in Medical Researches) پێشكەشكرا.

خولی پەرەپێدانی توانستەكانی توێژینەوە بۆ مامۆستایان لەلایەن بەڕێوەبەرایەتی گشتی سەنتەری توێژینەوەی زانكۆی راپەڕین سەرپەرشتیدەكرێت و لەماوەی مانگێكداو لەچوارچێوەی خولەكەدا (12) سیمینار پێشكەشدەكرێن.

ئەمڕۆ سێشەممە (12-2-2019)، كاتژمێر (10:30)ی پێشنیوەڕۆ، لەیاریگای زانكۆی راپەڕین هەڵبژاردەی خوێندکارانی زانکۆی ڕاپەڕین لەیاریەکی دۆستانەدا ڕووبەڕووی هەڵبژاردەی خوێندکارانی پەیمانگای پەروەردەی وەرزشی ڕانیە بوونەوە.
ئەنجامی یاریەکەش (۲ بە ۱) لە بەرژەوەندی خوێندکارانی پەیمانگای پەروەردەی وەرزشی ڕانیە بەسەر خوێندکارانی زانکۆی ڕاپەڕیندا کۆتایی هات .

ماوەی حەوت ڕۆژە ١٠ خوێندكاری خۆبەخشی سەنتەری گەشەپێدانی كار كە پێكهاتوون لە خوێندكاری چەند بەشێكی جیاوازی زانكۆ، ڕۆژانە لە كاتژمێر (٥-٨)ی ئێوارە كتێبە نوێیەكانی كتێبخانەی ناوەندی زانكۆی ڕاپەڕین لەسەر سیستەمێكی كۆمپیوتەری تۆمار دەكەن و بە شێوەیەكی ئەندازەیی ڕێكیان دەخەن بەجۆرێك خوێندكاران، مامۆستایان و توێژەران دەتوانن بە ئاسانترین شێوە بەكاریان بهێنن و لێیان سوودمەند بن. تاوەكو ئێستا نزیكەی سێ هەزار كتێبیان تۆمار كردووە و پڕۆسەكەش بەردەوام دەبێت.