ئه‌مڕۆ یه‌كشه‌ممه‌ 10ی شوباتی 2019، به‌ئاماده‌بوونی ژماره‌یه‌كی زۆر له‌ ئه‌كادیمیستان و مامۆستایانی زانكۆ حكومی و تایبه‌ته‌كان له‌ هه‌رێمی كوردستان، زانكۆی راپەڕین بەشداریكردن لەسیمپۆزیۆمی هەلومەرجی زانكۆ حكومیی و تایبەتەكان لەهەرێمی كوردستان كە لەلایەن زانكۆی پۆلیته‌كنیكی سلێمانی، كۆلێژی تەكنیكی كارگێڕی له‌هۆڵی هۆتێل تایتانیك لەشاری سلێمانی رێكخرابوو.

سه‌ره‌تای سیمپۆزیۆمه‌كه‌ به‌ساتێك وه‌ستان و بێده‌نگی بۆ گیانی پاكی شه‌هیدانی ڕێگای ڕزگاری كوردستان ده‌ستیپێكردو د. حكیم عوسمان ڕاگری كۆلێژی ته‌كنیكی كارگێڕی وتاری به‌خێرهاتنی پێشكه‌شكرد، پاشان نوێنه‌رانی هه‌ر پێنج زانكۆی ناوبراو سیڤی زانكۆكانیان پێشكه‌ش به‌ئاماده‌بووان كرد.

ئەمرۆ یەكشەممە (١٠ی شوباتی ٢٠١٩)، لیژنەی بەنێودەوڵەتیکردنی زانکۆ لە سەرۆکایەتی زانکۆی ڕاپەڕین وێركشۆپێكی دەربارەی سیستەمی بۆلۆنیا پرۆسێس (ECTS) بۆ مامۆستایانی کۆلێژی زانست رێكخست.

بڕیارە ڕۆژی یەک شەممە بەرواری ١٠-٢-٢٠١٩ دیدارێکی هاوبەش لە نیوان هەریەکە لەزانکۆکانی (ڕاپەڕین، پۆلیتەکنیکی سلێمانی، کۆمار، سلێمانی، جیهان) لەشاری سلێمانی بەڕێوە بچێت و زانكۆی راپەڕینیش بەشداری دیدارەكە دەكات.
ئامانج لە سازدانی دیدارەکە ئاشنابوونی زانکۆ بەشداربوەکانە بەشێوازی ئیشوکارەکانیان و چۆنێتی پڕۆسەی خوێندن تیایانداو ڕازیبونی خوێندکاران لەئاستی خوێندن. دیدارەکە دەبیتە هۆی زیاتر نزیککردنەوەی زانکۆکان بەئاڕاستەی کاری هاوبەش و هەماهەنگی لەداهاتوودا.
لە دیدارەکەدا هەر یەکە لەسەرۆکی زانکۆکان و بەڕێوەبەری پەیوەندیەکان بابەت پێشکەش دەکەن، و بەڕێز د. موفق خالد سەرۆکی زانکۆی ڕاپەڕین باس لە ''بەنێودەوڵەتیکردنی زانکۆ کوردییەکان: هەوڵەکانی زانکۆی ڕاپەڕین و پلانی داهاتوو'' دەکات.