سەنتەرى گەشەپێدانی کار لە زانکۆی ڕاپەڕین پيرۆزبایی له بەشداربووانى خولى راهێنانى تواناكان دەكات بەبۆنەى کۆتایی هاتن و بەدەستهێنانی بڕوانامەی خولەکە، خولى راهێنان تواناکان خولێكى پراكتيكيیە و ساڵانە لە ژێر چاودێرى وەزارەتى خوێندنى باڵا و توێژینەوەی زاستی و نوسينگەى جێگرى سەرۆكى حكومەت دەکرێتەوە.
خولەکە لە سەرەتای مانگى تەموزی ۲۰۱۷، دەستیپێكرد به بەشدارى (٦) كۆمپانياو (٨٢) خوێندكار بۆ (۷) بەشى زانكۆ لە پسپۆڕی (فيزيا، كيميا، بايەلۆجى، پەرستارى ، باخچەى ساوايان، ياسا و جوگرافيا)خولەكه بۆ ماوەى دوو مانگ بەردەوام بوو.

وەزارەتی خوێندنی باڵا و توێژینەوەی زانستی بڕیاریدا لە ئەمڕۆوە (زانکۆلاین) بۆ دەرچوانی خولی یەکەمی قۆناغی ١٢ی ئامادەیی کارا بکرێت.

لەو بارەیەوە عەباس ئەکرەم وتەبێژی وەزارەتی خوێندنی باڵا و توێژینەوەی زانستی ڕایگەیاند: ئەمڕۆ چوارشەممە، ڕیکەوتی (٢٠١٧/٩/٦) لە کۆبونەوەی لێژنەی باڵای وەرگرتن، کە بەسەرپەرشتی د.یوسف گۆران وەزیری خوێندنی باڵا و توێژینەوەی زانستی بەڕێوەچو، تێیدا بڕیاردرا لە سەعات (٥)ی سەرلەئێوارەی ئەمڕۆ ڕێکەوتی (٢٠١٧/٩/٦) وێبسایتی زانکۆلاین بەناونیشانی (www.regayzanko.com) بۆ ماوەی هەشت ڕۆژ واتە تا سەعات (١٢)ی شەوی ڕێکەوتی (٢٠١٧/٩/١٤) بۆ دەرچوانی خولی یەکەمی قۆناغی ١٢ی ئامادەیی کارا بکرێ.

وتەبێژی وەزارەتی خوێندنی باڵا و توێژینەوەی زانستی دەرچوانی ١٢ی ئامادەیی ئاگادار دەکات، بۆ بەدەستهێنانی ناوی بەکارهێنەرو وشەی تێپەڕ (یوزەیەر نەیم و پاسۆرد) دەتوانن لە کاتی کارابونی (زانکۆلاین) بەکۆدی تاقیکردنەوەکانی قۆناخی دوانزەی ئامادەیی بچنە ناو سیتسمی زانکۆلاین، دواتریش ژمارەی تەلەفۆنی خۆیان تۆمار بکەن و، پاشانیش لەڕێگەی کورتە نامەیەکەوە ناوی بەکارهێنەرو وشەی تێپەڕ (یوزەیەر نەیم و پاسۆرد)یان بەدەست دەگات و، دواتر دەتوانن بچنە ناو سیستمی زانکۆلاین بۆ هەڵبژاردنی بەش و کۆلێژ و پەیمانگە لە زانکۆکان.

بەبۆنەی هاتنی جەژنی قوربانی پیرۆز، بەڕێز پرۆفیسۆری یاریدەدەر د.موفق خالید ابراهیم سەرۆکی زانکۆی ڕاپەڕین ، پیرۆزبایی گەرم لە موسڵمانانی جیهان بەگشتی و موسڵمانانی کوردستان بە تایبەتی و سەرجەم مامۆستایان و فەرمانبەران و خوێندکارانی زانکۆمان دەکات.