ڕۆژی یەک شەممە ڕێکەوتی ۳ی ئەیلولی ۲۰۱۷، شاندێکی زانکۆی ڕاپەڕین و نوێنەری وەزارەتی خوێندنی باڵا، بە سەردانێک گەیشتنە زانکۆی کورستان لە شاری سنە لە وڵاتی ئێران.
شاندەکەی زانکۆ بەسەرۆکایەتی پڕۆفیسۆر د.صباح ڕەشید یاریدەدەری سەرۆکی زانکۆ بۆ کاروباری زانستی و خوێندنی باڵا، بە ئامادەبوونی پڕۆفیسۆری یاریدەدەر د.محمد سابر بەڕێوەبەری گشتی فەرمانگەی خوێندن و پلاندانان و بەدواداچون لە وەزارەتی خوێندنی باڵا و توێژینەوەی زانستی، ڕاگری بەشێک لە کۆلێژەکانی زانکۆ و بەڕێوەبەری پەیوەندییەکان سەرۆکی بەشەکانی باخداری و سامانی ئاژەڵ و لێپرسراوی هۆبەی خوێندنی باڵا.

دەربارەی سەردانەکەیان بۆ زانکۆی کورسستان پ.د. صباح ڕەشید سەرۆکی شاندەکە بە ماڵپەڕی زانکۆی ڕاگەیاند: لە سەردانەکەماندا بۆ زانکۆی کوردستان لە شاری سنە لەگەڵ کاربەدەستانی ئەو زانکۆیە کۆبوونەیەکمان ئەنجامدا، لە کۆبوونەوەکەدا چەند تەوەرێکمان باسکرد، گرنگترینیان پڕۆژەی خوێندنی هاوبەش لە نێوان هەردوو زانکۆ بۆ بەشەکانی سامانی ئاژەڵ و باخداری، وابڕیارە پڕۆژەکە لەمساڵی خوێندنی ئەکادیمییەوە بخرێتە بواری جێبەجێکردنەوە و گرنگیەکی ئێجگار زۆری هەیە بۆ زانکۆی ڕاپەڕین، چونکە یەکەم جارە خوێندنی هاوبەش لەگەڵ زانکۆکانی دەرەوە ئەنجام بدرێت.

وتیشی: ناوەڕۆکی پڕۆژەکە بەجۆرێکە کە خوێندکارانی زانکۆمان لە هەردوو بەشی باخداری و سامانی ئاژەڵ ماوەی دوو ساڵی یەکەم واتا قۆناخی یەکەم و دووەم لە زانکۆی ڕاپەڕین بخوێنن و، قۆناخەکانی سێیەم و چوارەم لە زانکۆی کوردستان لە شاری سنە دەخوێنن، شوێنی مانەوەی و خواردن و بیمەیان بۆ دابین دەکرێت و هەمان مامەڵەی خوێندکاری زانکۆی کوردستانیان لەگەڵ دەکرێت لە بەرامبەردا کرێیەکی کەمی خوێندنیان لێ وەردەگیرێت .

لە ڕونکردنەوەیەکدا وتەبێژی وەزارەتی خوێندنی باڵا و توێژینەوەی زانستی ئاگاداری دەرچوانی خولی یەکەمی قۆناخی ١٢ی ئامادەیی دەکات، بەمەبەستی داواکاری پێشکەشکردن لەڕێگەی (زانکۆلاین) بۆ وەرگرتن لە زانکۆ و پەیمانگە حکومییەکان، پێوستە بۆ بەدەستهێنانی ناوی بەکارهێنەر و وشەی تێپەڕ (یوزەیەر نەیم و پاسۆرد) سەردانی قوتابخانەکان بکەن بۆ وەرگرتنەوەی ناوی بەکارهێنەرو وشەی تێپەڕ (یوزەیەر نەیم و پاسۆرد) بەتایبەت ئەوانەی تا ئێستا بەڕێگەی ئەلیکترۆنی ناوی بەکارهێنەر و وشەی تێپەڕیان وەرنەگرتۆتەوە.

سەبارەت بە نەگەیشتنی ناوی بەکارهێنەرو وشەی تێپەڕ بە بەشێک لە دەرچوان لە ڕێگەی کورتەنامەوە، عەباس ئەکرەم وتەبێژی وەزارەتی خوێندنی باڵا و توێژینەوەی زانستی ڕایگەیاند هەر دەرچویەکی قۆناخی ١٢ی ئامادەیی ئەگەر تا ئێستا ناوی بەکارهێنەر و وشەی تێپەڕی بەدەست نەگەیشتوە دەتوانی لە ئەمڕۆوە سەردانی قوتابخانەکەی خۆی بکات تا ناوی بەکارهێنەرو وشەی تێپەڕ (یوزەیەر نەیم و پاسۆرد)وەربگرنەوە.

ڕۆژی یەک شەممە ڕێکەوتی ۳ی ئەیلولی ۲۰۱۷، شاندێکی زانکۆی ڕاپەڕین سەردانی چەند زانکۆیەکی وڵاتی ئێرانی کرد.
شاندەکەی زانکۆ پێکهاتبوو لە بەڕیزان د.صباح ڕەشید یاریدەدەری سەرۆکی زانکۆ بۆ کاروباری زانستی و خوێندنی باڵا، د.محمد صابر نوێنەری وەزارەتی خوێندنی باڵا، ڕاگری کۆلێژەکانی پەروەردە و پەروەدەی بنەڕەت، بەڕێوەبەری پەیوەندیەکان، سەرۆکی بەشەکانی باخداری و سامانی ئاژەڵ و لێپرسراوی هۆبەی خوێندنی باڵا.