سەنتەرى گەشەپێدانی کار لە زانکۆی ڕاپەڕین پيرۆزبایی له بەشداربووانى خولى راهێنانى تواناكان دەكات بەبۆنەى کۆتایی هاتن و بەدەستهێنانی بڕوانامەی خولەکە، خولى راهێنان تواناکان خولێكى پراكتيكيیە و ساڵانە لە ژێر چاودێرى وەزارەتى خوێندنى باڵا و توێژینەوەی زاستی و نوسينگەى جێگرى سەرۆكى حكومەت دەکرێتەوە.
خولەکە لە سەرەتای مانگى تەموزی ۲۰۱۷، دەستیپێكرد به بەشدارى (٦) كۆمپانياو (٨٢) خوێندكار بۆ (۷) بەشى زانكۆ لە پسپۆڕی (فيزيا، كيميا، بايەلۆجى، پەرستارى ، باخچەى ساوايان، ياسا و جوگرافيا)خولەكه بۆ ماوەى دوو مانگ بەردەوام بوو.

بۆ ئەمساڵ سەنتەرى كار لە زانکۆی ڕاپەڕین لەسەر ئاستى زانكۆکانى كوردستان بەشداری بە زۆرترين خوێندكار لە خولی ڕاهێنانی تواناکان کردووە و زۆرترین ڕێژەی خوێندکارانی ناردووه بۆ كؤمپانياكان بە مەبەستی مەشق پێکردنیان كە ژمارەيان (٨٢) خوێندكارە.