ئەمڕۆ سێ شەممە ١٦ی کانوونی دووەمی ٢٠١٨، بە ئامادەبوونی بەڕێز (د.موفق خالد ابراهیم) سەرۆکی زانکۆی ڕاپەڕین و نوێنەری نوسینگەی جێگری سەرۆکی حکومەتی هەرێم ، سێنتەری کار لە هۆڵی چالاکییەکانی زانکۆ مەراسیمێکی بۆ بەخشینی بڕوانامە بە خوێندکارانی سەرکەوتووی خولی ڕاهێنانی تواناكان ڕێکخست.

لە مەراسیمەکەد بەڕێز د.موفق خالید سەرۆکی زانکۆ وتەیەکی پێشکەشکرد: تیایدا بەگرنگییەوە باسی لە خولی ڕهێنانی تواناکان کرد بۆ خوێندکارانی زانکۆ و بە تەواوکەری وانە تیۆرییەکانی دانا، وتیشی لەمڕۆدا زانکۆ پێشکەوتووەکانی جیهان گرنگییەکی زاۆر بە بورای پەرەپێدانی توانکان دەدەن، دیارە زانکۆی ڕاپەڕینینش گرنگییەکی زۆری بەو بوارە داوە و لە داهاتووشدا گرنگی زۆری پێ دەدات، بۆ ئەو مەبەستەش داوای لە ڕاگر و سەرۆک بەشەکان و ستافی ئەکادیمی و زانستی زانکۆ کرد کە هاوکار و هەماهەنگی تەواوی سێنتەری کار بن وە هەروەها لە کاتی دانان و گۆڕینی مەنهەجەکانی خوێندنیش هەوڵ بدەن ڕاهێنانی تواناکان بکەن بە بەشێک لە مەنهەجەکانی خوێندن، لە کۆتاییدا سوپاسی نوسینگەی سەرۆکی حکومەت و سێنتەری بەکار خستنی کرد کە ئەو ئەرکەیان گرتۆتە ئەستۆ.

دوای گەڕانەوەی ڕاوندی دووەمی ناوی پاڵێوراوان لە وەزارەتی خوێندنی باڵا و توێژینەوەی زانستی بۆ خوێندنی ئێواران (پارالێڵ) لە کۆلێژی پەوەردەی بنەڕەت لە زانکۆی ڕاپەڕین ، ئەمڕۆ سێ شەممە ١٥ی کانونی دووەم ٢٠١٨، تۆماری گشتی زانکۆی ڕاپەڕین ئەنجامی کۆتایی ناوی پاڵێوراوانی بۆ خوێندنی ئێواران لە بەشەکانی (زمانی ئینگلیزی،زمانی کوردی،زمانی عەرەبی، زانستی کۆمپیوتەر، زانستە کۆمەڵایەتییەکان، ماتماریک) بۆ ساڵی خوێندنی ٢٠١٧-٢٠١٨ ڕاگەیاند.

ڕۆژانی ٩ - ١١/ ١ /٢٠١٧ ستافی سەنتەری گەشەپێدانی کار/ زانکۆی ڕاپەڕین بەشداری خولێکی سێ ڕۆژەیی کرد له‌ژێر ناونیشانی (workforce development strengthening skills and Employability) لە شاری هەولێر کە لەلایەن ڕێکخراوی IREX و بالیۆزخانە ئەمریکا ڕێکخرابوو.