ئەمڕۆ چوار شەممە، بەڕێز (د.موفق خالد ابراهیم) سەرۆکی زانکۆی ڕاپەڕین، کۆبوونەوەیەکی لەگەڵ لیژنەی بەنێودەوڵەتیکردنی زانکۆ ئەنجامدا .
لە کۆبوونەوەکەدا سەرۆکی بەشەکانی (پەرستاری ،ئەندازیاری شارستانی، بایۆلۆجی،کارگێڕی، هەردوو بەشی ئینگلیزی لە کۆلێژی پەروەردە و پەروەردەی بنەڕەت) ئامادەبوون، کە بڕیارە بۆ ئەمساڵی خوێندن کار لەسەر ئەو بەشانە بکرێت بە مەبەستی دەستەبەرکردنی مەرجەکانی بەنێودەوڵەتی کردن.
لە کۆبوونەوەکەدا چەند تەوەرێکی زانستی پەیوەست بە شێوازی دەستەبەرکردنی مەرجەکان و سیستەمی بەنێودەوڵەتی زانکۆ گفتوگۆیان لەبارەوە کرا، ئەندامانی لیژنەکە و سەرۆکی بەشەکان ڕا و سەرنجی خۆیان لەسەر سیستەمەکە خستەڕوو.