وەک بەشێک لە پڕۆگرامی ئیڕاسموس پڵەس (پڕۆژەی تایگریس) بۆ بەنێودەوڵەتیکردنی زانکۆکان، بەڕێوەبەرایەتی پەیوەندییەکانی زانکۆی ڕاپەڕین لە بەرواری (٩/٧/٢٠١٨) لە هۆڵی کۆبونەوەکانی سەرۆکایەتی زانکۆ ۆرکشۆپێکی بۆ سەرۆک بەشەکان و مامۆستایانی زانکۆ سازکرد.

لە ۆرکشۆپەکەدا دکتۆر جۆن کرۆس چۆنیەتی نوسینی پڕۆپۆزەڵ و هەنگاوەکانی نوسینی پڕۆپۆزەڵی بۆ بەشداربووان ڕوونکردەوە بەمەبەستی پەرەپێدانی تواناکانی سەرۆك بەش و مامۆستایانی زانکۆی راپەڕین لە بواری نوسینی پرۆپۆزەڵ بۆ بەدەستهێنانی پاڵپشتی دارایی لە دەزگا و ڕێکخراوە نێودەوڵەتیەکان.

د.یوسف گۆران وه‌زیری خوێندنی باڵا و توێژینه‌وه‌ی زانستی ڕایگه‌یاند: لەسەرتاسەری دونیا تا دێت گرنگی زیاتر بە توێژینەوەی زانستیی دەدرێت و، بودجە و خەرجی ساڵانەی توێژینەوەی زانستیی تا دێت ڕو لە زیادبونە، وه‌زاره‌تی خوێندنی باڵا و توێژینه‌وه‌ی زانستی هه‌رێمی كوردستان-یش به‌دامه‌زراندنی ئه‌نجومه‌نی توێژینه‌وه‌ی زانستی و به‌خشینی یه‌كه‌مین گرانت هه‌وڵه‌كانمان ده‌ستیپێكرد.

ئه‌و ڕاگه‌یاندنه‌ی د.یوسف گۆران ئه‌مرۆ سێ شه‌ممه‌، ڕێكه‌وتی (٧-٣-٢٠١٨) له‌ میانه‌ی پێشكه‌شكردنی وتارێكیدا هات، كه‌ له‌ ڕێوڕه‌سمی به‌خشینی یه‌كه‌مین گرانتی ئه‌نجومه‌نی توێژینه‌وه‌ی زانستی پێشكه‌شی كرد.

رۆژی سێشەمە ٣ی تەموزی ۲۰۱۸، بە ئامادەبوونی پ.د صباح رەشید یاریدەدەری سەرۆکی زانکۆ بۆ کاروباری زانستی و خوێندنی باڵا و پ.ی.د هێرش رەسول یاریدەدەری سەرۆکی زانکۆ بۆ کاروباری خوێندکاران و دکتۆر بەهزاد وسوو حمد بەرێوەبەری سەنتەری توێژینەوە لە زانکۆی ڕاپەڕین، یاری کۆتایی خولی تێنسی سەرمێز ئەنجامدرا.

 خولەکە لەلایەن بەڕێوەبەرایەتی چالاکی وەرزش و رۆشنبیری لە زانکۆی ڕاپەڕین سەرپەرشتی دەکرا، تایبەت بوو بە مامۆستایان و فەرمانبەرانی زانکۆی راپەڕین. 

یاری کۆتایی خولەکەش لە نێوان یاریزانان (م. پێشەوا بابەکر و محمد ئەنوەر) بەڕێوەچوو، هەردوو یاریزان بە کێبڕکێیەکی گەرمەوە لە پێناو بردنەوە هەوڵی تەواوی خۆیان خستەگەڕ.

ئەجامی یارییەکەش ( ٣ - ٢ )گێم لە بەژەوەندی م. پێشەوا بابەکر کۆتایی هات و توانی نازناوی خولەکە بەدەستبهێنێت.

لە خولەکەدا ٢٢ یاریزان لە مامۆستایان و فەرمانبەرانی زانکۆی ڕاپەڕین بەشدارییان کرد، بەشێوازی دوو دۆڕان بۆ دەرەوە یارییەکان بەڕێوەدەچوون.