ئاهەنگی دەرچوونی خوێندکاران لە زانکۆکاندا، یەکێک لە گرنگترین وێستگەکانی ژیانی هەر خوێندکارێکن، بۆ ئەم رۆژە خوێندکاران ئامادەکاری زۆر دەکەن و خۆیان دەڕازێننەوە، بەتایبەتیش کچان و پارەیەکەی زۆریش بۆ ئەم رۆژە خەرج دەکەن، ئەوەی دواجار دەمێنێتەوە چەند وێنەیەکە بۆ یادگاری.

ئەمڕۆ یەکشەممە (٢٢ی ئەیلولی ٢٠١٩) مامۆستایەکی زانکۆی راپەڕین وەک ھاوسۆزی بڕێک پارەی بۆ کڕینی دەرمان و چارەسەری پزیشکی بەخشی بەنەخۆشخانەی ھیوا.

پڕۆفیسۆری یاریدەدەر (د. پێشەوا حەمید) راگری کۆلێژی زانستە مرۆڤایەتییەکانی زانکۆی راپەڕین ئەمڕۆ بڕێک پارەی وەک ھاوکاری و ھاوسۆزی بە نەخۆشخانەی ھیوا لەشاری سێلمانی بەخشی بەمەبەستی کرینی دەرمان بۆ چارەسەری نەخۆشانی شێرپەنجە.

ڕۆژی پێنج شەممە ۱۹ی ئەیلولی، ۲٠۱۹ ، (د. قادر محمد) بە نوێنەرایەتی بەشی مێژوو لە کۆلێژی زانستە مرۆڤایەتیەکانی زانکۆی ڕاپەڕین، بەشداریکرد لە وێرکشۆپێک بەناونیشانی" کوردستان لە کێشە نێودەوڵەتی و هەرێمییەکاندا " کە بەهەماهەنگی نێوان زانکۆی لوبنانی فەرەنسی و پەیمانگای نێودەوڵەتی بۆ لێکۆڵینەوە لە کۆمەڵگای کوردی ڕێکخرابوو.
لە وێرکشۆپێکەدا مامۆستای ناوبرا توێژینەوەیەکی بە ناونیشانی (ژنی کورد لە دیدی بەریتانیەکان، لە نیوەی یەکەمی سەدەی بیست) پێشکەشکرد .