ڕۆژی سێ شەممە ١٧ی ئەیلولی ٢٠١٩، مامۆستا (ٳبراهیم ساڵح بەرزنجی) بە نوێنەرایەتی بەشی یاسا لە کۆلێژی زانستە مرۆڤایەتیەکانی زانکۆی ڕاپەڕین، بەشداریکرد لە وێرکشۆپێک بەناونیشانی"چۆنیەتی بە بابەتکردنی یاسای بەرەنگاربوونەوەی توندوتیژی NED خێزانی لە کۆلێژەکانی یاسادا" کە بەهەماهەنگی نێوان وەزارەتی خوێندنی باڵا و ڕێکخراوی WOLA بەهاوکاری ئەمریکی لە هۆتێل چوارچرا لەهەولێر ڕێکخرابوو.
لە وێرکشۆپێکەدا مامۆستای ناوبرا و سەرنج و پێشنیارەکانی خۆی سەبارەت بە تەوەرە باسکراوەکان خستەڕوو، هەروەک تیشکی خستە سەر بەرنامەی کار و چۆنیەتی خوێندنی بڕگەکانی یاساکە لە زانکۆی ڕاپەڕین.

بەڕێوەبەرایەتى ڕاگەیاندنى وەزارەت

بەسەرپەرشتى و ئامادەبونى د. ئارام محمد قادر وەزیرى خوێندنى باڵا و توێژینەوەى زانستى، کۆبونەوەى سێنتەرەکانى پێداگۆجى بەڕێوەچو، لە کۆبونەوەکەدا بڕیاردرا کۆرسەکانى پێداگۆجى لە نۆ مانگەوە بۆ شەش مانگ و لەهەندێک سێنتەریش کە سێ رۆژ لە هەفتەیەک، بو بۆ دوو رۆژ لە هەفتەیەک کەمکرایەوە.

ئەمڕۆ دووشەممە ١٦ی ئەیلولی ٢٠١٩، بە ئامادەبونی بەڕێز (پ.ی.د. موفق خالد ابراهیم) سەرۆکی زانکۆی ڕاپەڕین و بەڕێز(مامۆستا ڕەفیق) بەڕێوەبەری بەڕێوەبەرایەتی ئاسایشی ڕاپەڕین، لە هۆڵی شه‌هیدانی دەروازەی ڕاپەرین، زانکۆی ڕاپەڕین بڕوانامەی بە بەشداربوانی خولی هۆشیاری لە بەڕێوەبەرایەتی ئاسایشی ڕاپەڕین بەخشی.