بەڕێوەبەرایەتی تۆماری گشتی زانكۆی راپەڕین، ئاگاداری دەرچوانی خولی دووەمی ١٢ی ئامادەیی دەکاتەوە، کە زانکۆمان لە ڕێگەی مەڵبەندی راوێژكاری وەرگرتن و ئەدمینی (لیژنەی زانكۆلاین) لە زانكۆی راپەڕین ڕۆژانە لە کاتژمێر (۸:۳۰ی بەیانی تا ۱ی دوای نیوەڕۆ) هاوکاریتان دەکات لە وەرگرتنی (وشەی بەكار هێنەر) و (وشەی تێپەڕ)، لەهەمان كاتدا بێ بەرامبەر فۆڕمی زانکۆلاین بۆ دەرچووان خولی دووەم پڕدەکرێتەوە، هەروەک بەپێویستی دەزانین خوێندکار لەسەر خواستی خۆی لیستی ریزبەندی بەشە هەڵبژێردراوەکانی لەگەڵ خۆیدا بهێنێت .

 پاڵپشت بە بڕگەی (سیانزەیەم) لە رێنماییەكانی فەرمانگەی خوێندن‌ و پلاندانان‌ و بەدواداچوون/ وەزارەتی خوێندنی باڵا‌و توێژینەوەی زانستی بۆ ساڵی (٢٠١٧-٢٠١٨)/ بەشی دووەم، (زانكۆی راپەڕین) بڕیاریدا بۆ ساڵی خوێندنی (٢٠١٧-٢٠١٨)، خوێندنی (ئێواران) لە (١٤) بەشدا بكاتەوە.

مەرج‌ و رێنماییەكانی خوێندنی (ئێواران) لە زانکۆی ڕاپەڕین:

١- خوازیار دەبێت بڕوانامەی پۆلی شەشەمی ئامادەیی (زانستی یان وێژەیی) هەبێت.

٢- كۆنمرەی وەرگرتن بۆ بەشی (یاسا) نابێت لە (٧٠%) كەمتر بێت، بۆ بەشەكانی (كارگێری، ئینگلیزی، كۆمپیوتەر، زانستی گشتی، بیركاری) نابێت لە (٦٠%) كەمتر بێت. بۆ بەشەكانی تریش، نمرەی پێویست هاوشێوەی زانكۆ تایبەتەكان دەبێت.

٣- رەچاوی وانەی پەیوەنددار (دروس المفاضلە) ناكرێت.

٤- مەرجی تەمەن‌ و ساڵی دەرچوون لە شەشەمی ئامادەیی لەبەرچاو ناگیرێت.

٥- لەبەرامبەر خوێندنی ئێواران، خوێندكار ساڵانە بڕێك پارە دەداتە زانكۆ و بۆ هەر بەشێك نرخێك دیاریكراوە. (بڕوانە خشتەی هاوپێچ).

٦- دەرچووانی كۆلێژ‌و پەیمانگاكان مافی پێشكەشكردنیان هەیە لەسەر بنەمای كۆنمرەی ئامادەییان.

٧-(١٠%)ی كورسییەكانی هەر بەشێك بۆ دەرچووانی پەیمانگا دوو ساڵییەكان‌ و ١٠%ش بۆ دەرچوانی پەیمانگا پێنج ساڵییەكان تەرخاندەكرێت لەسەر بنەمای كۆنمرەی پەیمانگاكەیان.

٨- مامۆستایانی میلاكی وەزارەتی پەروەردە، بۆ بەشەكانی (كوردی، عەرەبی/ كۆلێژی پەروەردەی بنەڕەت) تەنها دەتوانن بەپێی پسپۆڕییەكانی خۆیان داوا پێشكەش بكەن.

٩- (١٠٠%)ی پرۆگرامی خوێندن لە بەشی (كارگێڕی/ كۆلێژی زانستەمرۆڤایەتییەكان) بە زمانی (ئینگلیزی) دەبێت.

 سەرنج:

• لە هەر بەشێك ژمارەی خوێندكار (٢٠) كەمتر بێت، فەرمانی كردنەوەی بەشەكە هەڵدەوەشێتەوە.

• شوێنی پێشكەشكردن ئەو كۆلێژەیە، كە خوێندكار مەبەستییەتی لێی بخوێنێت.

سەرۆکایەتی زانکۆی ڕاپەڕین ئاگاداری سەرجەم ئەو خوێندکارانە دەکات کە تاقیکردنەوەی خولی دووەمیان ھەیە لە گشت کۆلێژ و بەشەکان، رۆژی پێنج شەممە ۲۰۱۷/۹/۲۱، کە رۆژی (۱)ی موحەڕەمە و پشووی فەرمییە. بەڵام بەپێی خشتەی دیاریکراوی پێشوو تاقیکردنەوەکان بەشێوەیەکی ئاسایی ئەنجامدەدرێن و لە زانکۆمان پشوو نابێت.

سەرۆکایەتی زانکۆی راپەڕین