لیژنەی پڕكردنەوەی فۆڕمی (زانكۆلاین) لە زانكۆی راپەڕین دەست بەكاربوو

هاوشێوەی ساڵانی پێشو، لە هەردو كەمپەسی رانیە و قەڵادزێ, و لە رێگەی لیژنەیەكی شارەزاوە، فۆڕمی (زانكۆلاین) بێ بەرامبەر بۆ دەرچوانی (12) ی ئامادەیی (خولی یەكەم) پڕدەكاتەوە. وەكچۆن لەكاتی بونی هەڵەیەك لە فۆڕمی (زانكۆلاین)دا تەنها لە رێگەی ئەم لیژنانەی ناو زانكۆكانی هەرێمەوە دەتوانرێت هەڵەكە راست بكرێتەوە.

زانکۆی ڕاپەڕین/ بەڕێوەبەرایەتی بەشەناوخۆییەکان ئاگاداری خوێندکارانی سەرجەم کۆلێژ و بەشەکانی زانکۆمان دەکاتەوە، ئەوانەی تاقیکرنەوەی خولی دووەمیان هەیە و نیشتەجێی دەرەوەی شارن، دەتوانن لە ڕۆژی هەینی ڕێکەوتی ٢٠١٧/٩/٨، سەردانی بەڕێوەبەرایەتی بەشەناوخۆییەکان بکەن بە مەبەستی وەرگرتنی بەشەناوخۆیی تا کۆتایی ئەنجامدانی تاقیکرنەوەکانی خولی دووەم . .

سەرۆكایەتی زانكۆی ڕاپەڕین / بەڕێوەبەرایەتی كاروباری یاسایی/هۆبەی گرێبەستە گشتییەکان ئاگاداری سەرجەم بەڵێندەران و کۆمپانیا ناوخۆیی و بیانییەکان دەکاتەوە کە خاوەنی مۆڵەتی کارکردنن لەو بوارەدا، زانکۆی ڕاپەڕین هەڵدەستیت بە پڕۆژەی بەکرێدانی کۆشکی وێنەگری کۆلێژی زانست و کۆشکی وێنەگری کۆلێژی پەروەردەی بنەڕەت لە کەمپوسی ڕانیە، هەر کۆمپانیا و لایەنێک ئارەزووی بەشداری كردنی هەیە پێویستە لە ڕۆژانی ٢٠١٧/٨/٣٠ تا ٢٠١٧/٩/٢٥ سەردانی سەرۆكایەتی زانكۆی ڕاپەڕین/ بەڕێوەبەرایەتی دارایی/ هۆبەی خەرجییەکان بكات بە مەبەستی کڕینی وێنەی تەندەر و مەرج و ڕێنماییەکان بەبڕی (٢٥٠٠٠) بیست و پێنج هەزار دیناری عێراقی کە ناگەڕێتەوە بۆ خاوەنەکەی .