راگەیاندنی زانکۆ

بڕیارە کاتژمێر (١١)ی پێشنیوەڕۆی رۆژانی (٢٤-٢٦ /٤/ ٢٠١٧)، بەچاودێری وەزیری خوێندنی باڵا و توێژینەوەی زانستی و بە ئامادەبوونی سەرۆکی زانکۆی راپەڕین، سێیەمین کۆنفڕانسی زانستی نێودەوڵەتی (کاریگەری زمان و ئەدەب لەسەر بنیادی ھزری و درێژەپێدانی زانستی)، دەست بەکارەکانی بکات و، تیایدا (١٠٩) توێژینەوەی زانستی پێشکەشدەکرێن.
"ئاراز رەمەزان" وتەبێژی کۆنفڕانسەکە بە ماڵپەڕی زانکۆی راپەڕینی راگەیاند:  کۆنفڕانسەکە ھاوکاتە لەگەڵ رۆژی شەھیدی زانکۆ و ساڵیادی کارەساتی بۆردومانکردنی شاری قەڵادزێ، بۆیە زانکۆی راپەڕین وەک رێزگرتنێک بۆ شاری قەڵادزێ و خەڵکی تێکۆشەری دەڤەری راپەڕین بەپێویستیزانی ئەم کۆنفڕانسە نێودەوڵەتییە کە بۆیەکەمجارە لەزانکۆی راپەڕین سازدەکرێت لەشاری قەڵادزێ بێت.

بەڕێوەبەرایەتی ڕاگەیاندن بە هاوبەشی بەشی فەلسەفە لە کۆلێژی زانستەمرۆڤایەتییەکانی زانکۆی ڕاپەڕین، کۆڕێکی فیکری بۆ دکتۆر (شێرکۆ کرمانج) ڕێکخست.
بە ئامادەبوونی ژامارەیەک لە مامۆستایان و خوێندکارانی زانکۆ، ئەمڕۆ دووشەممە ١٨ی نیسان، لە هۆڵی چالاکییەکانی زانکۆ، کۆڕێکی فیکری بۆ دکتۆر (شێرکۆ کرمانج) مامۆستا لە زانکۆی ئوتارا لە وڵاتی مالیزیا، بە ناونیشانی ( لە نێوان جیهانبینی ئیسلامی و عەقڵانی و ئەخلاقی: تێگەیشتنێک بۆ پرسە کۆمەڵایەتیی – سیاسییەکان ) سازکرا .

وەزارەتی خوێندنی باڵا و توێژینەوەی زانستی خوازیارانی خوێندنی باڵا/ماستەر و دکتۆرا ئاگادار دەکات، کە پڕۆسەی پێشکەشکردن بۆ خوێندنی باڵا/ماستەر و دکتۆرا لە زانکۆ حکومییەکانی هەرێمی کوردستان بۆ سیمسته‌ری هاوینە بۆ ساڵی خوێندنی (٢٠١٦-٢٠١٧) ڕادەگەیەنێت.