ئەمرۆچوارشەممە ٢٠١٧/٤/٥، لە سەرۆکایەتی زانکۆی ڕاپەڕین ، بەڕێز (د.بەهزاد وسو حمد) بەڕێوەبەری سەنتەری توێژینەوە و ستافی پەیوەندییەکانی زانکۆی ڕاپەڕین، پێشوازییان کرد لە ( دکتۆر كروچ) سەرۆکی پەیمانگای نەژاد ناسی و شوێنەوار ناسی سەر بە زانکۆی سێلیسا لە وڵاتی پۆڵندا، دواتر کۆبونەوەیەک لە نێوان هەردوولا ئەنجامدارا.

لە کۆبوونەوەکەدا گفتوگۆ و ڕا گۆڕینەوە دەربارەی یاداشتی لێكتێگەیشتنی نێوان هەردوو زانکۆ ئاڵوگۆڕکرا، هەردوولا جەختیانکردەوە کە کار بۆ چالاککردنی پەیوەندییەکانی نێوانیا بکەن، هەروەک بەپێی یاداشتەکە، ھەردوو زانکۆ ھاوکاری زانستی ھەمەلایەنەیان دەبێت لەداھاتوودا، لە بارودۆخی گونجاودا پڕۆژەی ئاڵوگۆڕی خوێندکاران و ستافی ئەکادیمی و کارگێڕی لەنێوانیان ئەنجام بدەن، ھەروەک دەشتوانن توێژینەوەی هاوبەش ئەنجام بدەن.

ئەمڕۆ چوارشەممە (۲۰۱۷/٤/٥)، راپرسی لەناو خوێندكارانی هەموو كۆلێژو بەشەكانی زانكۆی راپەڕین ئەنجامدراو دەنگی (بەڵێ) بۆ هاوپۆشی (الزی الموحد) رێژەی زۆرینەی هێنا، هەروەك (٦٤.۷%)ی خوێندكاران بەشداری پڕۆسەی راپرسییەكەیان كرد.

بەپێی دەرەنجامی راپرسییەكە، كە لەلایەن لیژنەی ژماردن‌ و جیاكردنەوەی دەنگەكانەوە دراوە بە راگەیاندنی زانكۆ، (۱٤۳٦) خوێندكار بە (بەڵێ) دەنگیانداوە، كە رێژەی (٥۱.۱۲%)ی دەنگدەران پێكدەهێنێت، هەروەها (۱۳۳٥) خوێندكاریش بە (نەخێر) دەنگیان بە پڕۆسەكەدا كە رێژەی لە (٤۷.٥۲%)ی دەنگدەران پێكدەهێنێت، و (۷) دەنگی سپی بە رێژەی (۰٫۰۰۲٥) پێكدەهێنێت و لە هەمان كاتدا (۳۱) دەنگی پوچەڵیش هەبووە، كە رێژەی (۱,۱%) پێكدەهێنێت.

ئەمڕۆ چوارشەممە ٢٠١٧/٤/٥، لەھۆڵی چالاکییەکانی کۆلێژی زانست، گفتوگۆی ماستەرنامەی خوێندکاری خوێندنی باڵا (توانا قادر ابوبکر) بە ناونیشانی (بەرەی کوردستانی ١٩٨٧-١٩٩٢ ز، وەک توێژینەوەیەکی مێژوویی سیاسی) ئەنجامدرا.

بەناوی سەرۆکایەتی زانکۆی راپەڕین پیرۆزبایی لە (توانا قادر ابوبکر) دەکەین بۆ بەدەستهێنانی بڕوانامەی ماستەر لەبواری مێژوو، هیوای بەردەوامی بۆ دەخوازین.