لە بەردەوامی چالاکییە زانستییەکانی زانکۆی ڕاپەڕین، فەرمانگەی یاریدەدەرێتی سەرۆکی زانکۆ بە هەماهەنگی بەڕێوەبەرایەتی گشتی سەنتەری توێژینەوە، بە دروشمی " لەپێناو توێژەی سەرکەوتوو" یەکەمین کۆنفرانسی زانستی بۆ باشترین توێژینەوەی دەرچوون بۆ خوێندکارانی گشت کۆلێژ و بەشەکانی زانکۆ سازکرد .

کۆنفرانسەکە بە ئامادەبوونی دکتۆر مۆفق خالید سەرۆکی زانکۆ و ئەندامانی ئەنجومەنی زانکۆ و ڕاگرانی سەرجەم کۆلێژەکانی زانکۆ و توێژەری زانکۆکانی دیکەی کوردستان و ژمارەیەک لە مامۆستایان و خوێندکارانی کۆلێژو بوشە جیا جیاکانی زانکۆ بەڕێوەچوو.

سەرەتای کۆنفرانسەکە بە ساتێک وەستان بۆ گیانی شەهیدانی نیشتیمان دەستیپێکرد، دواتر دکتۆر هێرش رەسول سەرۆکی لیژنەی باڵای کۆنفرانس وتەیەکی پێشکەشکرد، تیایدا ئاماژەی دا بە گرنگی ئەم کۆنفرانسە زانستییە کە بۆ یەکەم جارە لە زانکۆی ڕاپەڕین چالاکییەکی لەم شێوەیە ئەنجام دەدرێت . وتیشی هیوادارین ئەم جۆرە چالاکیانە زیاتر هانی خوێندکاران بدات بۆ خوێندنەوەو هەوڵدان و بەرەوپێشچوونی زیاتر کە ئەوەش یەکێکە لە ئامانجە سەرەکیەکانی زانکۆ، هەروەک گرنگترین ئامانجەکانی سازدانی کۆنفرانسەکەی بۆ ئامادەبووان خستەڕوو کە خۆیان لە بەرزکردنەوەی ئاستی زانستی و مەعریفیی خوێندکاران و ھاندان و راھێنانی خوێندکاران، لەسەر ئەنجامدانی توێژینەوەی زانستی و دروستکردنی توێژەری سەرکەوتوو و دروستکردن و بەھێزکردنی توانستی خوێندکاران لەروی خستنەڕوی بیروبۆچونەکانیان و سازدانی دیالۆگ و دیبەیتی ئەکادیمییانە دەبیننەوە.

ئەمڕۆ سێشەممە ۲۳ی ئایاری ۲۰۱۷، بەشی فەلسەفە لە زانکۆی ڕاپەڕین، دیداری "قەڵەمێکی ئازا" بۆ کەسایەتی ناسراوی بواری ئەدەب و مێژوو (میرزا مەنگوڕی) سازکرد.

بە ئامادەبوونی (د. موفق خالد) سەرۆکی زانکۆ و ئەندامانی ئەنجومەنی زانکۆ و کەسوکاری بیرمەندی گەورە میرزا مەنگوڕی و ژەمارەیەک لە مامۆستا و خوێندکارانی زانکۆ، لە بەرامبەر هەڵوێست و کارەکانی لە بواری ئەدەب و مێژوودا، بەشی فەلسەفە دیدارێکی بۆ کەسایەتی ناسراو میرزا مەنگوڕی بەناونیشانی "قەڵەمێکی ئازا" سازکرد.

ئەمڕۆ دووشەممە ۲۲ی ئایاری ۲۰۱۷، بەشی باخچەی ساوایان لە کۆلێژی پەروەردەی بنەڕەت سیمینارێکی زانستی بۆ بەڕێز (پ.د. کریم شریف قەرەچەتانی) بە ناونیشانی ( بەهێزکردنی مێشک و چۆنیەتی خۆئامادەکردن بۆ تاقیکردنەوەکان ) ئەنجامدا، بە مەبەستی زیاتر سودگەیاندن بەخوێندکارانی زانکۆی ڕاپەڕین .

لە سیمینارەکەدا (د. کریم) بە چەند بابەتێک، خوێندکارانی زانکۆی ڕاپەڕینی بە چۆنیەتی ڕاهێنان و خۆئامادەکردن بۆ تاقیکردنەوەکانی کۆتایی ساڵ ئاشناکرد.