ئەمڕۆ سێ شەممە ١٤ی کانوونی دووەمی ٢٠٢٠، لە هۆڵی چالاکیەکانی زانکۆ، بەشی زانستی کۆمپیوتەر لە کۆلێژی پەروەردەی بنەڕەتی زانکۆی ڕاپەڕین، وێرکشۆپێک بە ناونیشانی "MULTI-DISCIPLINARY APPLICATIONS USING DEEP LEARNING" ڕێکخست.
سەرەتا لەلایەن بەڕێز پ.ی.د. رزگار حاجی ساڵح راگری كۆلێژی پەروەردەی بنەڕەت، وتاری راگرایەتی كۆلێژ پێشكەشكرا: تیایدا وێڕای بەخێرهاتنی ئامادەبووان سوپاسی بەشی زانستی کۆمپیوتەری کرد لە بەرامبەر هەوڵەکانیان بۆ بەرەوپێشبردنی ئاستی زانستی زانکۆ، هەروەک ئاماژەی بە ڕۆڵی توێژینەوە و گرنگی بەشەکانی ئایتی کرد لە ناوەندەکانی خوێندن و بەڕێوەبردندا، پاشان وتاری سەرۆكایەتی بەشی كۆمپیوتەر لەلایەن بەڕێز م.ی . جیهاد ئەنوەر قادر پێشكەشكرا.

لە درێژەی کار و چالاکییەکانی بەڕێوەبەرایەتی چالاکی وەرزش و ڕۆشنبیری لە زانکۆی ڕاپەڕین، خولێکی تۆپی پێی فوتساڵی بۆ خوێندکارانی سەرجەم بەشەکانی زانکۆی ڕاپەڕین کەمپەسی ڕانیە کردەوە، خولەکەدا دابەش بووە بەسەر دوو کۆمەڵەدا، کە تیایدا خوێندکارانی ١٤ بەشی زانکۆی ڕاپەڕین کێبڕکێی بە دەستهێنانی نازناوەکە دەکەن، هەروەک لە سەرەتای خولەکە تا ئەنجامدانی یاری کۆتایی ١٣ ئەنجامدەدرێن.

ئەمڕۆ دووشەممە ١٣ی کانوونی دووەمی ٢٠٢٠، لە هۆڵی چالاکییەکانی زانکۆی ڕاپەڕین، کۆلێژی زانست سیمپۆزیۆمێکی زانستی دەربارەی (ژیانێکی تەندروست و کاریگەری مادە تیشکاوەرەکان) ڕێکخست.
سەرەتا د. محمد حمەعلی ڕەشید ڕاگری کۆلێژی زانست لە وتەیەكدا بەخێرهاتنی ئامادەبووانی كرد وتی” ئەمڕۆ لەم سیمپۆزیۆمەدا دەمانەوێت سەبارەت بە فاکتەرێکی گرنگ و پەیوەست بە تەندروستی ژیانی مرۆڤ بدوێین، دواتر پوختەیەکی دەربارەی چەند مادەیەکی بواری کیمیا و کاریگەری و مەترسییان لەسەر تەندروستی ژیانی مرۆڤ مرۆ خستەڕوو، پاشان لەبارەی گرنگی سیمپۆزیۆمەكە وتی بەپێویستی دەزانین کە خوێندکارانمان زانیارییان هەبێت لەسەر کاریگەری مادە تیشکاوەرەکان و ئەوانیش تاکەکانی کۆمەڵگە بەرامبەر بەو مادانە هۆشیار بکەنەوە، بۆئەوەی بە هەمووان کۆمەڵگەیەکی هۆشیار و تەندروست بنیادبنێین.