ئەمڕۆ سێشەممە ٢٨ی کانوونی دووەمی ٢٠٢٠، بە دروشمی " لە پێناو نەوەیەکی تەندروست و دوور لە تالاسیمیا پشکنینی پێش هاوسەرگیری تاکە گرەنتی خێزانێکی تەندروستە" کۆلێژی پەرستاری و بەڕێوەبەرایەتی تەندروستی و سەلامەتی لە زانکۆی راپەرین بەھەماھەنگی سەنتەری تالاسیمیا لە سلێمانی سیمپۆزیۆمێکیان دەربارەی نەخۆشی تالاسیمیا سازکرد.

ئەمڕۆ دوو شەممە ٢٧ی کانوونی دووەمی ٢٠٢٠، بەشی بیرکاری لە کۆلێژی پەروەردەی بنەڕەتی زانکۆی ڕاپەڕین، سیمپۆزیۆمێکی بە ناونیشانی " ئاشنابوون بە گرفتە دەروونیەکان " ڕێکخست.
سەرەتا وتاری ڕاگرایەتی کۆلێژی پەروەردەی بنەڕەت لەلایەن بەڕێز پ.ی.د. رزگار حاجی ساڵح راگری كۆلێژ پێشكەشكرا: تیایدا باسی لە گرنگی کارکردن کرد لە ئاشناکردنی گرفتە دەروونییەکان بە کۆمەڵگا بەگشتی و خوێندکارانی زانکۆ بەتایبەتی، هەروەک ئەو هەوڵەی بەشی بیرکاریشی بەرز نرخاند .

لە چوارچێوەی پەرەپێدانی پەیوەندیەکانی زانکۆی ڕاپەڕین لەگەڵ زانکۆی مەساریک لە چیک ، بەڕێوەبەرایەتی پەیوەندیەکانی زانکۆی ڕاپەڕین دەرفەتێک دەرەخسێنێت بۆ چەند خوێندکارێکی کۆلێژی زانستە مرۆڤایەتیەکان بۆ بەشداریکردن لە پرۆگرامێکی هاوینە لە ئەوروپا. پڕۆگرامەکە تەنها (١٨) خوێندکار وەردەگرێت لە وڵاتانی جیاوازەوە، لە ناویاندا (٢-٣) خوێندکاری زانکۆی ڕاپەڕین. کۆڕسەکە لە (١٤-٦-٢٠٢٠ بۆ ٥-٧-٢٠٢٠) دەبێت.