لە چوارچێوەی وردبینی لە لیستی موچەخۆرانی وەزارەتی خوێندنی باڵا و توێژینەوەی زانستی هەرێم، ئەمڕۆ پێنج شەممە ١ی ئازاری ٢٠١٨، لیژنەی حکومەتی عێراق بە مەبەستی وردبینی لە لیستی موچەخۆران گەیشتە زانکۆی ڕاپەڕین و کارەکانی دەستپێکرد.

سەرەتا لەلایەن سەرۆکایەتی زانکۆی ڕاپەڕینەوە پێشوازی لە لیژنەکە کرا، دواتر لەگەڵ لێژنەیەکی تایبەتی سەرۆکاتی زانکۆ کۆبوونەوە پڕۆسەی وردبینی لە لیستی موچەخۆرانی زانکۆ دەستیپێکرد.

كۆلێژی زانست لەزاكۆی ڕاپەرین لەرۆژانی (26-2018/2/27) خولێكی تایبەتی بە پرۆگرامی (LATEX) بۆ خوێندكارانی قۆناغی چوارەمی بەشەكانی بایۆلۆجی، كیماو فیزیا كردەوە.
خولەكە لەلایەن د.رزگار حاجی صالح، یاریدەدەری ڕاگری كۆلێژی زانست بۆ كاروباری زانستی و خوێندنی باڵا بەڕێوەبرا.
لەخولەكەدا خوێندكاران ئاشناكران بەپرۆگرامی (LATEX) و چۆنیەتی نوسینی پڕۆژەی دەرچوونیان بەو بەرنامەیە، و بریارە بۆ ئەمساڵی خوێندنیش سەرجەم توێژینەوەكانیان بەم بەرنامەیە بنوسن.
پڕۆگرامی (LATEX) بەرنامەیەكی نوسینە كە بەكاردەهێنرێت بۆ نوسینی كتێب و ڕاپۆرت و توێژینەوە سەرەرای ئامادەكردنی پوستەر و پریزەنتەیشن.

پێشنیوەڕۆی ئەمڕۆ سێشەممە (27 /2 /2018)، لەهۆڵی سیمیناراتی كۆلێژی زانست لەزانكۆی راپەڕین، بەئامادەبوونی بەڕێز (پ.ی.د. هێرش رسوڵ) یاریدەدەری سەرۆكی زانكۆ بۆ كاروباری خوێندكاران یەكەمین گفتوگۆی كراوەی زانكۆ شۆ بەڕێوەچوو.

گفتوگۆیەكە بەمیوانداری هەریەك لە (مامۆستا دارا) سەرۆكی بەشی كیمیا لەكۆلێژی زانست و (مامۆستا ئارام قادر) بڕیاردەری بەشی فەلسەفە لەكۆلێژی زانستە مرۆڤایەتییەكان دەربارەی رۆڵ و گرنگی زانكۆ و بەئامادەبوونی مامۆستایان و خوێندكاران بەڕێوەچوو.
زانكۆ شۆ گفتوگۆیەكی كراوەیەو لەلایەن خوێندكار ( دیدەن عبدالرحمن) خوێندكاری قۆناغی سێیەم لەبەشی بایۆلۆجی كۆلێژی زانستی زانكۆی راپەڕین ئامادەو پێشكەش دەكرێت.