راگەیاندنی زانکۆ

دوای ئەوەی کارەکانی سێیەمین کونفڕانسی زانستی نێودەوڵەتی لە زانکۆی ڕاپەڕین، بەچاودێری وەزیری خوێندنی باڵا و بە ئامادەبوونی سەرۆکی زانکۆی راپەڕین دەستیپێکرد، ئەمڕۆ سێ شەممە ٢٥ی نیسان، لە دووەم ڕۆژی کارەکانی کۆنفڕانسدا و لە (١٨) پانێڵدا (٦٤) توێژینەوە لە بوارەکانی زمان و ئەدەبی کوردی و عەرەبی و ئینگلیزی لەلایەن توێژەرانی ناوخۆیی و نێودەوڵەتییەوە پێشکەشکران.

سێیەمین کونفڕانسی زانستی نێودەوڵەتی "کاریگەری زمان و ئەدەب لەسەر بونیادی هزری و درێژەپێدانی زانستی" بەچاودێری وەزیری خوێندنی باڵا و توێژینەوەی زانستی بەڕێوەدەچێت و ماوەی سێ ڕۆژ دەخایەنێت و تیایدا (١٠٩) توێژینەوە لە بوارەکانی زمان و ئەدەبی کوردی و عەرەبی و ئینگلیزی لەلایەن توێژەرانی ناوخۆیی و نێودەوڵەتییەوە پێشکەش دەکرێن.