ڕاگه‌یاندنی وه‌زاره‌تی خوێندنی باڵا و توێژینه‌وه‌ی زانستی

به‌چاودێری (قوباد تاڵەبانی) جێگرى سەرۆکى حکومەتى هەرێمى کوردستان، وەزارەتی خوێندنی باڵا و توێژینەوەی زانستی و، به‌ئاماده‌بونی د.یوسف گۆران وه‌زیری خوێندنی باڵا و توێژینه‌وه‌ی زانستی و، ڕاوێژكار و سه‌رۆكی زانكۆ حكومی و تایبه‌ته‌كان و به‌ڕێوه‌به‌ره‌ گشتیه‌كان و كونسڵ و نوێنه‌ری وڵاتان و، یاریده‌ده‌رانی سه‌رۆكی زانكۆكان به‌دروشمی (ڕیزبەندی نیشتیمانی ... شاڕێی کرانەوە و متمانە و دڵنیایی) بۆ (جاری سێیه‌م)، ئه‌مڕۆ چوارشه‌ممه‌، ڕێكه‌وتی (٢٠١٨/١١/٢١) له‌ هۆڵی سه‌عد عه‌بدوڵلا له‌ شاری هه‌ولێر له‌ مه‌راسیمێكدا ئەنجامی ڕیزبەندی نیشتیمانی زانکۆکانی کوردستان بۆ ساڵانی (٢٠١٧· ٢٠١٨) ڕادەگەیەنێت.

مه‌راسیمه‌كه‌ به‌ساتێك ڕێزگرتن بۆ گیانی پاكی شه‌هیدان و سرودی نیشتیمانی ئه‌ی ڕه‌قیب ده‌ستیپێكرد، پاشان د.یوسف گۆران وه‌زیری خوێندنی باڵا و توێژینه‌وه‌ی زانستی وتارێكی پێشكه‌شكرد و دوا به‌دوای پێشكه‌شكردنی وتاره‌كه‌ی ئه‌نجامی ڕیزبه‌ندیه‌كه‌ی ئاشكرا كرد.

به‌ڕێوه‌به‌رایه‌تی ڕاگه‌یاندنی وه‌زاره‌تی خوێندنی باڵا و توێژینه‌وه‌ی زانستی

وەزیرى خوێندنى باڵاو توێژینەوەى زانستى گرنگى دروستکردنى بۆردى نیشتیمانى متمانە بەخشینى وەک یەکەمین دەزگاى نیشتیمانى سەربەخۆ بەهاوکارى دامەزراوەى زێڤاى ئەڵمانى بۆ دڵنیاى جۆرى و متمانە بەخشین بۆ دامەزراوەکانى خوێندنى باڵاى هەرێمى کوردستان بەهەنگاوێکى گرنگ و مێژووى وەسفکرد.

ئەم جەختکردنەوەى د. یوسف گۆران وەزیرى خوێندنى باڵا و توێژینەوەى زانستى لەمیانى پێشوازیکردنى هات لە وەفدێکى (دەزگای ناوەندیی هەڵسەنگاندن و متمانە بەخشینی) ئەڵمانی ناسراو بە زێڤا، کە پێکهاتبوون لە (prof. Dr. werner stueber) راوێژکارى خوێندنى باڵا لە دامەزراوەکەو (didar dawdi) بەڕێوەبەرى کاروبارى پەیوەندییە نێودەوڵەتییەکانى زێڤا کە ئەمڕۆ ٢٠١٨/١١/٢١ بەشداربوون لە مەراسیمى راگەیاندنى ریزبەندى نیشتیمانى زانکۆکانى کوردستان بۆ ساڵانى (٢٠١٧-٢٠١٨).

ئەمڕۆ چوارشەممە ٢٠١٨/١١/٢١، وەزارەتی خوێندنی باڵا و توێژینەوەی زانستی، بۆ جاری سێیەم ریزبەندی نیشتمانی زانکۆ حکومی و تایبەتەکانی هەرێمی کوردستان بۆ ساڵی (2017-2018) راگەیاند.

د. یوسف گۆران، وەزیری خوێندنی باڵا و توێژینەوەی زانستی هەرێمی کوردستان لە کۆنگرەیەکی ڕۆژنامەوانیدا ریزبەندی زانکۆ حکومی و تایبەتەکانی هەرێمی کوردستانی راگەیاند، ڕیزبەندییەکە بەپێی (ا ، ب) ناوی زانکۆکان لە گروپەکاندا ڕیزکراوە کە ڕیزبەندییەکە دابەشبووە بەسەر زانکۆ حکومی و زانکۆ تایبەتەکان، هەروەها ریزبەندییەکەش دابەشبووە بەسەر گروپەکانی (B, C,D) کە زانکۆی راپەڕین لە ڕیزبەندی گرووپی دووەمی زانکۆ حکومییەکانی هەرێمی کوردستاندایە کە گروپی (C)یە.