ئەمڕۆ یەكشەممە (٢-١٢-٢٠١٨) كاتژمێر (٢)ی پاشنیوەڕۆ لەهۆڵی چالاكییەكانی زانكۆی راپەڕین، پڕۆژەی نمایشی فیلم بۆ ساڵی دووەم دەستیپێكرد كە لەلایەن بەڕێوەبەرایەتی راگەیاندن سەرپەرشتیدەكرێت.

لەسەرەتای دەستپێكی پڕۆژەكەدا دكتۆر (ئاراز رەمەزان) بەڕێوەبەری راگەیاندنی زانكۆی راپەڕین، پڕۆژەكەی بەئامادەبووان ناساندو باسی لەوەكرد كە پڕۆژەكە بەدرێژایی ساڵی خوێندن بەردەوامی دەبێت و هەفتانە فیلمێكی ناوازە نمایش دەكرێت، و فیلمەكانیش لەلایەن لیژنەیەكەوە لەسەرۆكایەتی زانكۆ هەڵدەبژێردرێن و رەچاوی لایەنی كەلتوریی و پەروەردەیی و زانستیی دەكرێت و پێشنیازی خوێندكاران و مامۆستایانیش بۆ نمایشكردنی فیلمەكانی دەخرێتەوە بەردەم لیژنەكەو دواتر بڕیاری لەسەر دەدرێت.

ئەمڕۆ یەك شەممە (٢ / ١٢ / ٢٠١٨)، بەڕێوەبەرایەتی وەرزش و چالاکی ڕۆشنبیری زانکۆی ڕاپەڕین، خولی تۆپی پێی یاریگای بچوک(فوتساڵ)ی بۆ خوێندکارانی سەرجەم بەشەکانی زانکۆی ڕاپەڕین کردەوە.
خولەکە بە بەشداری (١٤) تیپ (هەر بەشێک بە یەک تیپ بەشداری کردوە)، دەستیپێکرد و بە شێوازی دوو دۆڕان بۆ دەرەوە بەڕێوە دەچێت.

ئەمڕۆ یەك شەممە (٢ / ١٢ / ٢٠١٨)، لەهۆڵی کتێبخانەی گشتی ڕانیە، بەڕێوەبەرایەتی کارگێڕی زانکۆی ڕاپەڕین بەهاوبەشی لەگەڵ بەشی هۆشیاری بەڕێوەبەرایەتی ئاسایشی ڕاپەڕین، خولێکی بە ناونیشانی (بەرەو کارگێڕی سەردەمیانە) بۆ فەرمانبەرانی بەڕێوەبەرایەتی ئاسایشی ڕاپەڕین کردەوە.