ئەمڕۆ دوو شەممە (١-٧-٢٠١٩) لە هۆتێل های كریس لەشاری سلێمانی ژمارەیەک مامۆستای بەشی زمانی کوردی کولێژی پەروەردەی بنەڕەت لە زانکۆی ڕاپەڕین، بەشدارییانکرد لە وێرکشۆپێک بەناونیشانی (کابینەی نۆیەمی حکومەت، پاراستن و گەشەپێدانی زمانی کوردی).

وێركشۆپەكە لەلایەن (ناوەندی چاوی کورد بۆ پەرەپێدانی سیاسی)، بە بەشداری زانکۆکانی کوردستان و وەزارەت و ڕێکخراو و لایەنە پەیوەندیدارەکان ڕێکخرابوو. ‎ئامانج لە وێرکشۆپەکە وەرگرتنی سەرنج و بنەما زانستییەکان بوو بۆ کابینەی حکومەتی داهاتوو، تا بتوانێت خزمەت بە زمانی کوردی و پاراستنی بکات.

ئەمڕۆ دووشەممە ١ی تەموزی ٢٠١٩، بەڕێوەبەرایەتی سەنتەری توێژینەوە لە زانکۆی راپەڕین، دووەمین خولی نێودەوڵەتی زانستخوازی بەردەوام لە فێربوون و فێرکردندا بۆ مامۆستایانی زانکۆی ڕاپەڕین کردەوە.

لە بەرواری 24-26 /6 /2019 زانکۆی مەساریک لە وڵاتی چیک، میوانداری وێرکشۆپێکی پرۆژەی تایگریسی کرد کە تایبەت بوو بە داڕشتنی ستراتیجی بە نێودەوڵەتیکردنی زانکۆکانی هەرێمی کوردستان.
لە ڕۆژی یەکەمدا سەرجەم زانکۆ کوردییە بەشداربووەکان ڕەشنووسی ستراتیجی بەنێودەوڵەتی بوونی خۆیان پێشکەش کرد، کە لەماوەی چەند مانگی ڕابروودا بە سەرپەشتی دامەزراوەی گلۆباڵ ئینستیتیوت لە وڵاتی چیک زانکۆکان ئیشیان لەسەر ئەو بوارە کردووە.