ئەمڕۆ یەکشەممە ٨ ی ئەیلولی ٢٠١٩، بەڕێز (د. موفق خالد ابراهیم) سەرۆکی زانکۆی راپەڕین و ئەندامانی ئەنجومەنی زانکۆ پێشوازیان کرد لە خاتوو (سیرینا مۆرۆنا) کۆنسوڵی گشتی ئیتاڵیا لە هەولێر و شاندی یاوەری. 

رۆژی (٥-۹ -۲٠۱۹) لە زانکۆی هەولێری پزیشکی لەشاری هەولێر بە ئامادەبونی نوێنەری وەزارەتی خوێندنی باڵاو توێژینەوەی زانستی و بەڕێوەبەری سەنتەری جێندەرناسی زانکۆی ڕاپەڕین مامۆستا ( بانە فاتیح کەریم ) و بەڕێوەبەری سەرجەم سەنتەرەکانی جێندەر ناسی زانکۆ و پەیمانگاحکومی و تایبەتەکان دووەمین ۆێرکشۆپی ئامادەکردنی کۆرس بووکی بابەتی جێندەرناسی (Gender studies ) بەڕێوەچوو تا بابەتی جێندەرناسی لەساڵانی ئایندەدا لە قۆناغە جیاوازەکان وەک یەکێک لە بابەتەکانی تر بخوێندرێت .

لە ۆرکشۆپەکەدا سەرنج و تێبینی گونجاو و ئەکادیمی خرانە ڕوو .

ڕۆژی چوار شەممە (٤ . ٩ . ٢٠١٩)، لەکۆلێژی پەرستاری زانکۆی هەولێری پزیشکی، چەند مامۆستایەکی زانکۆی ڕاپەڕین وێرکشۆپێکیان بە ناونیشانی ( بەرەو جێبەجێکردنی سیستەمی بۆلۆنا ) ئەنجامدا.

سیمینارەکانی وێرکشۆپەکە لەلایەن هەریەک لە ( م. ڕێبوار ئەرسەلان، م. سامان محمد و م. پێشەوا حسن ) پێشکەشکران، کەتایبەتبون بەجێبەجێکردنی سیستەمی بۆڵۆنا پرۆسێس لە زانکۆی هەولێری پزیشکی.