ڕۆژی پێنجشەممە (١٢ی نیسانی ٢٠١٨) سەنتەری گەشەپێدانی كار گەشتێكی زانستی بۆ ٣٠ خوێندكاری بەشە جیاوازەكانی زانكۆی ڕاپەڕین ڕێكخست، بە مەبەستی بینین و بەشداریكردن لە پێشانگایەكی گرنگی كار لە زانكۆی ئەمریكی/ سلێمانی.

لە گەشتەكەدا خوێندكاران لە نزیكەوە گفتوگۆیان لەگەڵ خاوەنكارەكان و نوێنەری كۆمپانیاكاندا كرد سەبارەت بە هەل و دەرفەتەكانیان و چۆنیەتی سوودمەندبوون لێیان.
هەروەها ستافی سەنتەری كار پەیوەندی و لینكی لەگەڵ چەند كۆمپانیا و ڕێكخراوێكی ناحكومیدا دروستكرد، بە مەبەستی ناردنی ژمارەیەك خوێندكاری زانكۆمان بۆ خول و ڕاهێنانەكانیان، بەتایبەتی لە وەرزی هاویندا.

دوای ڕاگەیاندنی ئەمجامی بەرایی خولی ڕێگاكان بەفەرمانی زانكۆیی ژمارە ٨٦٤/٢٩/٧ لە بەرواری ٢٠١٨/٣/٦ و دوی پێداچوونەوە بە سكاڵای بەشداربووان ،بە پێ فەرمانی زانكۆیی ژمارە ٩٢٩/٢٩/٧ لە بەرواری ٢٠١٨/٣/١٣  ئەنجامی كۆتایی خولی رێگاکانی وانە وتنەوە بۆ ساڵی خوێندنی ٢٠١٧-٢٠١٨ تان پێڕادەگەێنێین. 

کلیک بکە بۆ داگرتنی ئەنجامی کۆتایی خولی رێگاکانی وانە وتنەوە بۆ ساڵی خوێندنی ٢٠١٧-٢٠١٨

لە چوارچێوەی کاروچالاکییەکانی هۆبەی وەرزش و ڕۆشنبیری زانکۆی ڕاپەڕین ، خولێکی تۆپی پێی فوتساڵی بۆ خوێندکارانی کۆلێژ و بەشەکانی زانکۆ کردەوە، ئەمڕۆ سێ شەممە ١٠/٤/٢٠١٨ یاری کۆتایی خولەکە لەنێوان خوێندکارانی بەشی جوگرافیا لە کۆلێژی زانستە مرۆڤایەتییەکان و خوێندکارانی بەشی یاسا لە هەمان کۆلێژ بەڕێوەچوو.

یارییەکە بە ئامادەبوونی بەڕێزان د.موفق خالید سەرۆکی زانکۆ و د.هێرش رسول یاریدەدەری سەرۆکی زانکۆ و د.بەهزاد وسو حمەد بەڕێوەبەری سەنتەری توێژینەوە و سەرۆکی بەشەکانی جوگرافیا و یاسا و ژمارەیەکی بەرچاو لە مامۆستایان و خوێندکارانی زانکۆ بەڕێوەچوو.