بەمەبەستی رێکخستنی ماوەی مانەوەی خوێندکارانی خوێندنی باڵا/ دبلۆمی باڵا, ماستەر و دکتۆرا، کە لە دەرەوەی وڵات درێژە بە خوێندن دەدەن، وەزارەتی خوێندنی باڵا و توێژینەوەی زانستی چەند بڕیارێکی دەرکرد.

عەباس ئەکرەم وتەبێژی وەزارەتی خوێندنی باڵا و توێژینەوەی زانستی ڕایگەیاند: بۆ ڕێکخستنەوەی ناردنەوەی دەرەوەی خوێندکاران بۆ دەرەوەی وڵات و، بەمەبەستی ڕێکخستنی ماوەی مانەوەیان و گرنگیدان بە خوێندنەکەیان، وەزارەتەکەمان سەرجەم ئەو خوێندکارانەی لەماوەی ساڵی (٢٠١٧) بۆ درێژەدان بە خوێندنی باڵا سەردانی دەرەوەی وڵاتیان کردوە ماوەی مانەوەیان بەپێی ڕێنماییەکانی وەزارەت دیاریکرد.

وتەبێژی وەزارەتی خوێندنی باڵا و توێژینەوەی زانستی وتیشی: بەپێی بڕیارەکەی وەزارەت ئەو خوازیارییانەی بۆ دبلۆمی باڵا دوای بەکالۆریۆس لە دەرەوەی وڵات دەدەن درێژە بە خوێندن پێویستە بۆ ماوەی (٦) شەش مانگ لەو وڵاتە بمێننەوە.

لە کۆبونەوەى ئەنجومەنى وەزارەتى خوێندنى باڵا چەندین بڕیارى گرنگ درا بۆ وەرگرتن لە بەشى یاسا نابێ نمرەى زمانەکانى کوردى، عەرەبى، ئینگلیزى لە (٧٠%) کەمتر بێ بەڕیوەبەرایەتى ڕاگەیاندنى وەزارەتى خوێندنى باڵا و توێژینەوەى زانستى
بەسەرپەرشتى د. یوسف گۆران وەزیرى خوێندنى باڵا و توێژینەوەى زانستى و، بەئامادەبونى ئەندامانى ئەنجومەنى وەزارەت، کۆبونەوەى ئەنجومەنى وەزارەتى خوێندنى باڵا و توێژینەوەى زانستى لە هۆڵى کۆبونەوەکانى دیوانى وەزارەت بەڕێوەچو.
لەو کۆبونەوەیەدا کە ئەمڕۆ سێ شەممە ڕێکەوتی (٢٠١٧/٦/٦)بەڕێوەچو، لە چەند تەوەرێکى جیادا گفتوگۆ لەبارەى چەند بابەتێکى پەیوەست بە خوێندکاران و خوێندنى باڵا تاتوێ کران و بڕیارى پێویستیان لەبارەوە درا.

کۆمەڵەی زانکۆکانی ئاسیاو ووڵاتانی زەریای هێمن بەهاوکاری زانکۆی ژینگ ژوو ی ووڵاتی چین ٥٠ زەمالە ڕادەگەیێنیت بۆ سالی خوێندنی ٢٠١٧ کە (٢٥) کورسی ماستەر و (٢٥) کورسی دکتۆرا لە خۆدەگرێت. زەمالەکە تایبەتە بە زانکۆکانی بەشداربووی ئەم کۆمەڵەیە، زانکۆکان سەرپشك کراون لە دیاریکردنی کاندیدەکانیان.

پێوەرە کانی دیاریکردنی کاندید لەلایەن زانکۆی بەشداربوو:

١-ئەو زانکۆ بەشداربووانەی کە کاندیدەکانیان دیاری دەکەن پێویستە ئەندامی چالاکی کۆمەڵەکە بن واتە:
- پارەی بە ئەندامبوونی ساڵی ٢٠١٧و ٢٠١٨ یان درابیت.
-یان ئەندامی تازەی کۆمەڵە کەبێت و پارەی ٣ سالی ئەندامبوونی درابێت لە ٢٠١٧-٢٠١٩.
٢-هەر ئەندامێکی کۆمەڵەکە دەتوانێت ١ کاندید بپاڵێویت.
٣-زانکۆ بەشداربووەکان پێویستە پەیڕەوی ئەم ڕێنماییانەی خوارەوە بکەن.
*فۆڕمی داواکاری کاندیدەکان پێشکەش بکات کە تیایدا وێنەیەک و ناساندنێکی پوختی هەر کاندیدێک هاوپێچ کرابێت.