مامۆستایەكی زانكۆی راپەڕین، بەناوی بارزان عەلى پیرۆت مامۆستا لەبەشى زمانى کوردى کۆلێژى پەروەردەى بنەڕەت کتێبێکى لەبوارى ڕەخنەى ئەدەبى-دا بڵاوکردەوە.

مامۆستا بارزان عەلی بەراگەیاندنى زانکۆى راپەڕین راگەیاند: ئەم کتێبە بە ناونیشانى (دیاردەناسیی مرۆڤ لەشیعرەکانى نالی-دا)، لە بنەڕەتدا توێژینەوەی ماستەرەو لێکۆڵینەوەیەکى ڕەخنەى ئەدەبییە بۆ خوێندنەوەى مرۆڤ لە شیعرەکانى نالی-دا بە پشتبەستن بە میتۆدى دیاردەناسى. کە دیاردەناسى، یەکێکە لەو میتۆدە فەلسەفییە كاریگه‌رانه‌ى، كه‌ له‌گه‌ڵ سه‌رهه‌ڵدان و نه‌شونماكردنى، توانى كار بكاته‌ سه‌ر ڕه‌خنه‌ى ئه‌ده‌بى و دواجار ڕێگه‌یه‌كى نوێى خۆشكرد بۆ سه‌رله‌نوێ كه‌شفكردنى ئه‌و دنیا ئاڵۆزو مانا جیاوازانه‌ى، كه‌ ده‌شێت له‌ به‌رهه‌مى ئه‌ده‌بیدا، به‌رجه‌سته‌ بووبن.وتیشی: ئه‌م مێتۆده‌، به‌شێوه‌یه‌كى سیستماتیك له‌سه‌ر ده‌ستى ئەدمۆند هۆسرڵ سەریهەڵدا، دواتر به‌ به‌كارهێنان و گه‌شه‌پێدانى له‌ لایه‌ن بیرمه‌ند و نووسه‌رانی ترى وه‌ك(مارتن هایدگەر و ژان پۆڵ سارتەر)، توانى ڕێڕه‌وێک و ئاسۆیه‌كی دیکەى‌ له‌به‌رده‌مى خوێنه‌ردا بۆ خوێندنه‌وه‌ى به‌رهه‌مى ئه‌ده‌بى بخاته‌ به‌رچاو و گه‌وره‌ترین كاریگه‌رى له‌سه‌ر كۆى ڕه‌خنه‌ى ئه‌ده‌بى دابنێ.

بڕیارە لەرۆژانی (2-3ی ئەیلولی 2020)، زانكۆی راپەڕین، كۆنفڕانسێكی نێودەوڵەتی بەشێوەی ئۆنلاین لەسەكۆی گووگل میت-ەوە ئەنجام بدات.

كۆنفڕانسەكە لەژێر ناونیشانی (اللغةو الادب العربی واقع التعليم والتواصل)ەو لەلایەن بەشی زمانی عەرەبی لەکۆلێژی پەروەردەی زانكۆی راپەڕین ئەنجامدەدرێت، كە ئەوەش دووەمین کۆنفرانسی زانستی نێودەوڵەتی بەشی زمانی عەرەبیە لەكۆلێژی پەروەردە ئەنجامبدرێت.

سێنتەری زمانی زانکۆی ڕاپەڕین ئەنجامی تاقیکردنەوەی ئاستەکانی Elementary و Pre-Intermediate و Intermediate و Upper-Intermediate و Advancedی بەشداربووانی خولی پێنجەمی کۆرسی ئینگلیزی کاندیدانی ماستەر و دکتۆرا و نازناوی زانستی ڕادەگەیەنێت. لە خوارەوە کرتە بکە و ناوەکەت بدۆزەرەوە. لە ئەنجامەکان pass واتە دەرچوو و Fail واتە کەوتوو.