كاتژمێر (9)ی شەوی (6ی نیسانی 2021)، وێبینارێكی نێودەوڵەتی دەربارەی (ژن لەجیهاندا) لەلایەن سەنتەری گەشەپێدان بۆ كارو بەڕێوەبەرایەتی راگەیاندنی زانكۆی راپەڕین رێكخرا.

لەسەرەتای وێبینارەكەدا (لیزا كوێستان) خوێندكاری بەشی ئینگلیزی لەكۆلێژی پەروەردەی زانكۆی راپەڕین، سەرەتا چەند زانیارییەكی دەربارەی وێبینارەكە پێشكەشی ئامادەبوان كرد.
دواتر پێشكەشكارانی وێبینارەكە كە چەند خوێندكارێكی نێودەوڵەتی بون لەوڵاتانی ئیتاڵیاو ئیسپانیاو ئوردن و فەلەستین، و عێراق ئەزمونی خۆیان بۆ ئامادەبوان باس كردو باسیان لەباردۆخی مافی ژن لەوڵاتەكانیان كرد.