بەپێی گرانتێك کە بەڕێوەبەرایەتی پەیوەندیەکانی زانکۆی ڕاپەڕین وەریگرتوە لە زانکۆی ئەلمێریای ئیسپانیا لە چوارچێوەی پڕۆژەی (Erasmus +2019 Project)دا، زانکۆی ڕاپەڕین(٢) خوێندکار بۆ زانکۆی ئەلمێریا دەنێرێت بۆ ساڵی خوێندنی (٢٠١٩-٢٠٢٠) و کۆی خەرجیەکانی لەسەر پڕۆگرامەکە دەبێت. بۆ ئەو خوێندکارانەی زانکۆمان کە دەیانەوێت داواکاری پێشکەش بکەن:

١-پێویستە پێشکەشکار بۆ ساڵی خوێندنی (٢٠١٩-٢٠٢٠) لە قۆناغی( دوو)ی زانکۆ بێت لە بەشی زمانی ئیگلیزی.

٢-ساڵی یەکەمی خوێندنەکەی بە سەرکەوتوویی و نمرەی بەرز تەواو کردبێ.
3-ماوەی خوێندن لە زانکۆی ئەلمێریا (١) وەرزە لە مانگی ٢ی ساڵی٢٠٢٠ دەست پێدەکات.
4- پێویستە ئەو خوێندکارەی داواکاری پێشکەش دەکات ئاستی زمانی ئینگلیزیی باش بێت بەو پێیەی خوێندن و تاقیکردنەوەکان لە زانکۆی ئەلمێریا بە زمانی ئینگلیزیە.
5- پێویستە ئەو خوێندکارەی داواکاری پێشکەش دەکات گرێبەستی ناردن لە بەڕێوەبەرایەتی پەیوەندییەکان پڕبکاتەوە.
6- هەر کاتێك خوێندکاری یەکەم لە ڕیزبەندییەکەدا بە هەر هۆکارێك کشایەوە لە پێشبڕکێی کاندیدبوون، ئەوا کاندیدی دواتر بەپێی ڕیزبەندی ناوەکان هەڵدەبژێردرێت.
7- تەنها خوێندکارانی بەشی بەیانیان دەتوانن داواکاری پێشکەش بکەن؛ کە خوێندنیان بەپێی سیستەمی (بۆڵۆنا) یە.
ڕێکارەکانی پێشکەشکردن:
هەنگاوی یەکەم: پێشکەشکردنی داواکارییەکی دەستنوس بۆ سەرۆکایەتی بەش بۆ بەرزکردنەوەی ناوەکەی تا ڕۆژی پێنج شەممە 7-11-2019 کاتژمێر ١٢ ی نیوەڕۆ.هەریەك لە بەشەکانی ئینگلیزی دەتوانن (٥) خوێندکار کاندید بکەن بۆ چاوپێکەوتن.
هەنگاوی دووەم: چاوپێکەوتن لە بەڕێوەبەرایەتیی پەیوەندیەکان لە سەرۆکایەتی زانکۆ ڕۆژی دووشەممە 11-11-2019 کاتژمێر ٩ی بەیانی ئەنجامدەدرێت و هەمان ڕۆژ خوێندکارەکان ئاگادار دەکرێنەوە لە ئەنجامی چاوپێکەوتنەکە.
هەنگاوی سێیەم: دوای دەرچوونی ناوەکان خوێندکارانی کاندیدکراو سەردانی بەڕێوەبەرایەتی پەیوەندییەکان بکەن لە 12-11-2019، بۆ بەرچاو ڕوونی و ئەنجامدانی ڕێکارە پێویستەکان.

چاوپێکەوتن:
ناونیشان: بەڕێوەبەرایەتی پەیوەندییەکان، سەرۆکایەتی زانکۆ، نهۆمی سێیەم.
پەیوەندی: Email: ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.
Mobile: 07502659191