ئەمڕۆ سێ شەممە ٢٩ی تشرینی یەکەمی ٢٠١٩، ڕاگرایەتی کۆلێژی زانستە مرۆڤایەتییەکان بە هەماهەنگی نوێنەرایەتی گشتی خوێندکاران،. لە هۆڵی چالاکییەکانی زانکۆ، سیمینارێکیان بۆ (م.ابراهیم صالح بەرزنجی) بە ناونیشانی ( ڕێکخراوی نەتەوە یەکگرتووەکان لە هێزی یاساوە بۆ یاسای هێز) رێکخست .
لە سیمینارەکەدا م. ابراهیم صالح بەکورتی ڕێکخراوی نەتەوە یەکگرتووەکان و شێواز و ئاراستەی کارکردنی ڕێکخراوەکەی بە ئامادەبووان ناساند، دواتر ڕەهەندەکانی هەردوو تەوەری هێزی یاسا و یاسای هێزی ڕوونکردەوە.
هەر لە سیمینارەکەدا م.ابراهیم دەربارەی هەردوو چەمکی "هێزی یاسا و یاسای هێز" چەند زانیاریەکی خستەڕوو، هێزی یاسا ئەو جۆرە دەسەڵاتانە دەگرێتەوە كه سەرچاوەی دەسەڵاتەكەیان لە یاسا وەرگرتوە و بەیاساش حوكمڕانی دەكەن‌، بەڵام یاسای هێز ئەوجۆرە دەسەڵاتانە دەگرێتەوە كه سەرچاوەی دەسەڵاتەكەیان لە هێز وەرگرتوە و بەهێزیش حوكمڕانی ‌دەكەن یان ئەگەر بەهێزیش دەسەڵاتیان وەرنەگرتبێت بەڵام هەرهێز حوكمڕانە.
لە کۆتایی سیمینارەکەدا، دەرگای سەرنج و پرسیار بە ڕووی ئامادەبووان کرایەوە، م. ابراهیم صالح وەڵامی گشت پرسیاری ئامادەبووانی دایەوە.