بەپێی گڕانتێك کە بەڕێوەبەرایەتی پەیوەندیەکانی زانکۆی ڕاپەڕین وەری گرتوە لە زانکۆی ئەلمێریای ئیسپانیا لە چوارچێوەی پڕۆژەی (

)دا، زانکۆی ڕاپەڕین(١) خوێندکار بۆ زانکۆی ئەلمێریا دەنێرێت بۆ ساڵی خوێندنی (٢٠١٩-٢٠٢٠) وە کۆی خەرجیەکانی لەسەر پڕۆگرامەکە دەبێت. بۆ ئەو خوێندکارانەی زانکۆمان کە دەیانەوێت داواکاری پێشکەش بکەن:
١-پێویستە پێشکەشکار بۆ ساڵی خوێندنی (٢٠١٨-٢٠١٩) لە قۆناغی( یەك)ی زانکۆ بێت لە بەشی زمانی ئیگلیزی.
٢-کۆڕسی یەکەمی خوێندنەکەی بە سەرکەوتوویی و نمرەی بەرز تەواو کردبێ.
3-ماوەی خوێندن لە زانکۆی ئەلمێریا (٥) مانگە و لە مانگی ٩ی ساڵی٢٠١٩ دەست پێدەکات.
4- پێویستە ئەو خوێندکارەی داواکاری پێشکەش دەکات ئاستی زمانی ئنگلیزیی باش بێت بەوپێیەی خوێندن و تاقیکردنەوەکان لە زانکۆی ئەلمێریا بە زمانی ئینگلیزیە.
5- پێویستە ئەو خوێندکارەی داواکاری پێشکەش دەکات گریبەستی ناردن لە بەڕێوەبەرایەتی پەیوەندییەکان پڕبکاتەوە.
6- هەر کاتێك خوێندکاری یەکەم لە ڕیزبەندییەکەدا بە هەر هۆکارێك کشایەوە لە پێش بڕکێی کاندیدبوون، ئەوا کاندیدی دواتر بەپێی ڕیزبەندی ناوەکان هەڵدەبژێردرێت.
7- خوێندکارانی بەشی بەیانیان دەتوانن داواکاری پێشکەش بکەن
ڕێکارەکانی پێشکەش کردن
هەنگاوی یەکەم: پێشکەشکردنی داواکارییەکی دەستنوس بۆ سەرۆکایەتی بەش بۆ بەرزکردنەوەی ناوەکەی تاوەکو ڕۆژی سێ شەممە ٩-٤-٢٠١٨کاتژمێر ١١:٠٠ی بەیانی.
هەنگاوی دووەم: چاوپێکەوتن لە بەڕێوەبەرایەتیی سێنتەری زمان ڕۆژی پێنج شەممە ١١-٤-٢٠١٩ ئەنجام دەدرێت و ئەنجامی هەڵسەنگاندنەکان لە ١٤-٤-٢٠١٩ڕادەگەیەندرێت.
هەنگاوی سێیەم: دوای دەرچوونی ناوەکەی سەردانی بەڕێوەبەرایەتی پەیوەندییەکان بکات لە ١٤-٤-٢٠١٩، بۆ بەرچاو ڕوونی و ئەنجامدانی ڕێکارە پێویستەکان.