رۆژی سێ شەممە ٢٤ / ٤ / ٢٠١٨، کە هاوکاتە لەگەڵ  یادکردنەوەی ساڵیادی‌ کارەسات و راپەرین و رۆژی‌ شەهیدی‌ زانکۆی ٢٤-٤-١٩٧٤ و راپەرینەکەی‌  ١٩٨٢، چوارەمین کۆنفرانسی نێودەوڵەتی زانکۆی ڕاپەڕین بە هاوکاری زانکۆی کوردستان – سنە لەکەمپەسی زانکۆی راپەڕین لەشاری قەڵادزێ لەتەلاری کۆلێژی پەروەردە دەستپێدەکات لەژێر ناونیشانی ( زمان و ئەدەبیاتی کوردی و فارسی لە ئاوێنەی هزرو کەلتوری ئاریدا).

سەرلەبەیانی رۆژی یەکەم، رێورەسمی کردنەوەی کۆنفڕانس بەڕێوەدەچێت، کاتژمێر ١٠،٣٠ ی کۆنفرانسەکە دەکرێتەوەو چەند وتەیەک پێشکەش دەکرێت:

-وتەی لیژنەی باڵای کۆنفرانس

-وتەی سەرۆکایەتی زانکۆی کوردستان – سنە

-وتەی سەرۆکایەتی زانکۆی ڕاپەڕین

-وتەی وەزارەتی خوێندنی باڵاو توێژینەوەی زانستی

-وتەی وەزارەتی شەهیدان و ئەنفالکراوان.

دوانیوەڕۆ کاتژمێر ٢،٢٠ پانێڵەکانی کۆنفرانس دەستپێدەکەن و کۆنفرانسەکە بەسەر دوو بەشی سەرەکیدا دەبەشکراوە بەشی زمان و بەشی ئەدەب ، لەیەک کاتداو لە دوو هۆڵی جیاواز پانێڵەکان پێشکەشدەکرێن و بۆ ماوەی سێ رۆژ بەردەوام دەبێت.

کۆنفڕانسەکە ئەم تەوەرانەی خوارەوە لەخۆدەگرێت:

ــ زمان

* ڕەنگدانەوەی بیر و فەلسەفە لە زماندا

* وەرگێڕان لە نێوان توانست و چالاکى زمانیدا

* مێژوو و بنەماکانى فەرهەنگنوسى لە زمانى کوردى و فارسیدا

* کاریگەرى و هۆکارەکانى تێکەوڵابوونى زمانە ئارییەکان

ــ ئەدەبیات

*ڕەهەندە ئایينى و مەزهەبییەکان لە ئەدەبیاتى کوردى و فارسیدا

* ڕۆڵى جیهانگیرى و تەکنەلۆژیا لە گەشەپێدانى ئەدەبیاتدا

* ڕەخنەى ئەدەبى لە دەروازەى تیۆرە نوێیەکانى ڕەخنەدا

* بنەماى کاریگەرى و کاریگەربوون لە نێوان ئەدەبیاتى کوردى و فارسیدا