زانکۆی ڕاپەڕین/بەڕێوەبەرایەتی دارایی ئاگاداری سەرجەم مامۆستایان و فەرمانبەرانی زانکۆمان دەکاتەوە بەمەبەستی نوێکردنەوەی دەرماڵەی( خێزانداری و منداڵ) لە زووترین کاتدا ئەم بەڵگەنامانەی کە لە خوارەوە داواکراون پێشکەش بە لیژنەی تایبەت بکەن لە بەڕێوەبەرایەتی (دارایی و ووردبینی) تا کاتی ئامادەکردنی موچەی مانگی کانونی دووەم (١ / ٢٠١٦ ) بە پێچەوانەوە دوای ئەو بەروارە شایستەی وەرگرتنی ئەو دەرماڵەیە نابن لە ساڵی (٢٠١٦) دا . 

بەبۆنەی رۆژی جیهانی نەخۆشی شەکرە سکوڵی پەرستاری هەڵدەستێ بە ئەنجامدانی پشکنینی شکرە لە خوێن بۆ سەرجەم هاوڵاتیانی شاری ڕانیە و دەوروبەری، رۆژی شەممە ڕێکەوتی ١٤ / ١١ / ٢٠١٥  لە کاتژمێر (٩) بۆ (١١)، لە پارکی ئازادی/ڕانیە . ئاگاداری ئەو کەسانە دەکەین کە سەردانمان دەکەن بە مەبەستی پشکنین نابێ نانی بەیانی بخۆن بۆ ئەوەی ئەنجامی پشکنینەکە بە ووردی دەربچێت.

سەرۆكایەتی زانكۆی ڕاپەڕین/بەڕێوەبەرایەتی كاروباری یاسایی/هۆبەی گرێبەستە گشتیەكان ئاگاداری كۆمپانیا و بەڵێندەرانی ناوخۆ دەكاتەوە ئەوانەی خاوەنی مۆڵەتی كاركردنن لەم بوارەدا، زانكۆمان هەڵدەستێت بە بەكرێدانی كۆشكی كافتریاكانی بەشە ناوخۆییەكانی زانكۆ لەرێگەی زیادكردنی ئاشكرا پاڵپشت بە یاسای فرۆشتن و بەكرێدانی موڵك و ماڵی دەوڵەت ژمارە (٣٢) ی ساڵی (١٩٨٦)، هەر كەسێك ئارەزوی بەشداریكردنی هەیە دەتوانێت لەم بەرواری خوارەوە سەردانی سەرۆكایەتی زانكۆ/بەرێوەبەرایەتی دارایی/هۆبەی خەرجیەكان بكات بە مەبەستی وەرگرتنی وێنەیەك لە مەرج و رێنماییەكان بەرامبەر (٥٠٠٠) پێنج هەزار دیناری عێراقی كە ناگەرێتەوە بۆ خاوەنەكەی .