کۆلێژی پەروەردەی بنەڕەت لە زانکۆی ڕاپەرین مەرجەکانی خوێندنی ئێوارانی بۆ ساڵی خوێندنی (٢٠١٧ ــ ٢٠١٨) لە بەشەکانی [کوردی ، عەرەبی ، ئینگلیزی ، کۆمەڵایەتی ، بیرکاری ، کۆمپیوتەر ، زانستی گشتی] ڕاگەیاند .

مەرج و ڕێنماییەکانی خوێندنی ئێواران کۆلێژی پەروەردەی بنەڕەت:

١- بۆ بەشەکانی [کوردی ، عەرەبی ، کۆمەڵایەتی] پێویستە خوێندکار تێکڕای دەرچوونی لە سەروو (٥٥%)ەوە بێت.

٢- بۆ بەشەکانی [ئینگلیزی ، کۆمپیوتەر ، بیرکاری ، زانستی گشتی] پێویستە تێکڕای ددەرچوون لە سەروو (٦٠%)ەوە بێت.

٣- بەشێک لە کوردسییەکانی هەریەک لەم بەشانە بۆ پەیمانگا پێنج ساڵییەکانە، وەکو پەیمانگای وەرزشی و کۆمپیوتەر و ئامادەیی پیشەسازی و کشتوکاڵ.... تەرخانکراوە.

٤-  بەشەکانی [کوردی ، عەرەبی ، کۆمەڵایەتی ، ئینگلیزی] دەرچووانی بەشی زانستی و وێژەیی مافی پێشکەشکردنی داواکارییان هەیە.

٥-  تەنیا دەرچووانی بەشی زانستی دەتوانن داواکاری بۆ بەشەکانی [بیرکاری ، کۆمپیوتەر ، زانستی گشتی] پێشکەش بکەن.

٦- کرێی خوێندن لە بەشەکانی [کوردی ، عەرەبی ، کۆمەڵایەتی ] بۆ هەر ساڵێک (٠٠٠ ٣٠٠ ١) یەک ملیۆن و سێ سەد هەزاردینارە، بۆ بەشەکانی [کۆمپیوتەر و بیرکاری و زانستی گشتی] ساڵانە (٠٠٠ ٥٠٠ ١) یەک ملیۆن و پێنج سەد هەزاردینارە، بۆ بەشی (ئینگلیزی)ش ساڵانە خوێندکار (٠٠٠ ٠٠٠ ٢) دوو ملیۆن دینار دەدات.

٧-  سەرجەم بەشەکان بۆ مامۆستایانی میلاکی وەزارەتی پەروەردە تەنیا بە (٠٠٠ ٦٠٠) شەش سەد هەزاردینارە.

٨-  ئەو خوێندکارانەی داواکاری بۆ بەشی ئینگلیزی پێشکەش دەکەن لە مەرجی نمرە وانەی ئینگلیزی دەبەخشرێن، تەنیا بۆ مامۆستایان پێویستە پسپۆڕییەکەی ئینگلیزی بێت.

بە مەبەستی وەرگرتنی زانیاری زیاتر و وەرگرتنی فۆڕمی تایبەت، ڕۆژانی (شەممە تا چوارشەممە)، کاژیر (٤ تاوەکو ٨)ی  ئێوارە سەردانی کۆلێژی پەروەردەی بنەڕەت بکەن لە زانکۆی ڕاپەرین.